Elbası Astanadağı 3 zawıt qurılısınıñ irgetasına kapswla qoydı

Bastı > Bölimder > Şolw > 30 serpindi joba > Elbası Astanadağı 3 zawıt qurılısınıñ irgetasına kapswla qoydı

Elbası Astanadağı 3 zawıt qurılısınıñ irgetasına kapswla qoydı

«Bügingi küni biz iri käsiporınnıñ qurılısın bastawımız – Astananıñ ğana emes, bükil Qazaqstannıñ maqtan tutar oqïğası bolıp tabıladı», dedi Elbası kapswlalardı salğannan keyingi öziniñ sözinde. Onıñ aytwınşa, Qazaqstannıñ astanasında qazir 700-den astam şeteldik kompanïyalar jumıs isteydi.

Şildeniñ 3-i küni Memleket basşısı Nursultan Nazarbaev Astana qalasınıñ ïndwstrïyalıq parki awmağındağı 3 zawıt qurılısınıñ irgetasına kapswla qoydı.

Nissan avtomobïlin jasaytın zawıt qurılısına 100 mln. dollar salw josparlanğan. Onıñ qwatı jılına 30 mıñ avtokölik şığarwğa jetedi. Qajetti jabdıqtar Nissan zawıttarınan jetkizilip otıradı. Käsiporın 2008 jılı paydalanwğa beriledi.

Avtomobïl şïnaların jasaytın zawıt jılına 4 mln. dana önim şığarıp, onıñ 50 payızı eksportqa jöneltiledi. Jobağa ïnvestïcïya 200 mln. dollardı qurap, 1-şi kezeñi – 2008 jılı, 2-şi kezeñi – 2010 jılı paydalanwğa berilmek.

Ïndwstrïyalıq park awmağında, sonday-aq ïnvestïcïya kölemi 78 mln. dollar bolatın lokomotïv qurastırw zawıtınıñ qurılıs jobası jüzege asadı. Öndiris General Electric amerïkan kompanïyasınıñ texnologïyasımen jürgiziledi. Zawıt kelesi jıldıñ 3-şi toqsanında paydalanwğa berilmek.

«Bügingi küni biz iri käsiporınnıñ qurılısın bastawımız – Astananıñ ğana emes, bükil Qazaqstannıñ maqtan tutar oqïğası bolıp tabıladı», dedi Elbası kapswlalardı salğannan keyingi öziniñ sözinde. Onıñ aytwınşa, Qazaqstannıñ astanasında qazir 700-den astam şeteldik kompanïyalar jumıs isteydi.

Prezïdent, sonday-aq «Qazaqstannıñ 30 korporatïvti köşbasşısı» memlekettik bağdarlaması ayasında jalpı qunı 56 mlrd. AQŞ dolları bolatın 86 ïnnovacïyalıq jobalardıñ iriktelip alınğanın atap körsetti.

QazAqparat