Bastı > Bölimder > Jañalıqtar > 2005 > Jeltoqsan > Elbası “QazAqparat” Ulttıq aqparat agenttiginde bolıp, onıñ şığarmaşılıq ujımın 85 jıldıq mereytoylarımen quttıqtadı

Elbası “QazAqparat” Ulttıq aqparat agenttiginde bolıp, onıñ şığarmaşılıq ujımın 85 jıldıq mereytoylarımen quttıqtadı

Bïıl öziniñ 85 jıldığın atap ötip otırğan bayırğı «QazTAG» qazirgi “QazAqparat” Ulttıq aqparat agenttigine Elbası Nursultan Nazarbaev arnayı kelip, agenttiktiñ qazirgi şığarmaşılıq ujımı men onda qızmet jasağan ardagerlerdi mereytoylarımen quttıqtadı. «QazAqparat» Ulttıq kompanïyası» respwblïkanıñ qazirgi aqparat keñistiginde memlekettik tilde töl aqparat taratatın birden-bir Ulttıq aqparat agenttigi. Elimizdiñ ekonomïkası men älewmettik-mädenï ömirindegi barlıq mañızdı jañalıqtardı memlekettik tilde ğana emes, orıs, ağılşın tilderinde älemge jarïya etip otırğan salïqalı mekeme.
«Qazaq Aqparat agenttigi» UK-ınıñ bastı maqsat-mindeti - jañalıqtı der kezinde jedel jetkizw, memleket isinde, ekonomïka men mädenïette, jalpı qoğam tirşiligindegi oqïğalardı qalıñ buqarağa tïyanaqtı däldikpen xabarlaw. Bügingi «QazAqparat» Ulttıq kompanïyası, keşegi QazTAG osıdan 85 jıl burın, 1920 jılı tamızdıñ 13-inde ROSTA-nıñ Orınbor –Torğay bölimşesi retinde qurıldı. 1925 jılı onıñ atı QazROST, 1937 jılı QazTAG bolıp özgerip, Qazaq KSR Mïnïstrler Keñesiniñ qarawına berildi. Al el täwelsizdigin alğannan keyin, 1997 jılı Prezïdent Jarlığımen «Qazaq aqparat agenttigi» (QazAAG) Respwblïkalıq memlekettik qazınalıq käsiporını bolıp qayta qurılsa, 2002 jılğı qaraşanıñ 8-inde Ükimet qawlısımen qazirgi «QazAqparat» Ulttıq kompanïyası» aşıq akcïonerlik qoğamına aynaldı. 1997 jılı QazAAG bolıp qayta qurılğasın, jaña zamanğı aqparattıq texnologïyağa köşip, teletayptıq täsilden elektrondıq aqparat taratw ädisine kirisken agenttiktiñ qazir Respwblïkanıñ barlıq oblıstarında, Qıtayda, Özbekstanda, Resey men AQŞ-ta, Belgïya men Qırğızstanda menşikti tilşileri bar.
Al agenttigimiz Respwblïkanıñ barlıq aymaqtarınıñ tınıs tirşiliginen is jüzinde üş tilde – qazaq, orıs jäne ağılşın tilderinde tuchhımdı xabar beretin ïnternet-saytın toltırıp otıradı. Oğan qosa, şetelderdegi qazaq dïasporasınıñ ökilderi üşin qazaq tilindegi jañalıqtardı akademïk Äbdwäli Qaydardıñ nusqasımen /jeke ïnternet beti/ latın älipbïinde usınadı. Sonımen qatar, «Tañğı jarşı», «Resmï jarşı», «El, şetel jañalıqtarı», «Qazaqstan–Bïznes», «QazAqparat-anons», «QazAqparat-foto» sekildi jañalıqtar toptamaları men «Elewli oqïğalar, atawlı künder, esimder» küntizbesi sekildi aqparattıq-kommercïyalıq önimderin şığarıp, satadı. QazAqparat Azïya jäne Tınıq muxïtı elderiniñ aqparat agenttikteri uyımı, Türki elderiniñ aqparat agenttikteriniñ uyımı sekildi bedeldi qawımdastıqtarğa müşe boldı. RATA-TASS, “Jañalıqtar” RAA, Sïnxwa, Bï-Bï-Sï, Kabar, BelTa, WkrÏnform sïyaqtı aqparat agenttikterimen seriktestik baylanıstar ornattı. Qazir kompanïya önimderi bir mezgilde 78 elge taraydı.

QazAqparat