Astana qalasınıñ Sarıarqa dañğılı men Kenesarı köşesiniñ qïılısında orın tepken «Ewrazïya» gülzarınıñ saltanattı aşılwına Mäjilis törağası Aslan Mwsïn,QR Eñbek jäne xalıqtı älewmettik qorğaw mïnïstri Berdibek Saparbaev qatıstı.

Bastı > Bölimder > Jañalıqtar > 2008 > Şilde > Astana qalasınıñ Sarıarqa dañğılı men Kenesarı köşesiniñ qïılısında orın tepken «Ewrazïya» gülzarınıñ saltanattı aşılwına Mäjilis törağası Aslan Mwsïn,QR Eñbek jäne xalıqtı älewmettik qorğaw mïnïstri Berdibek Saparbaev qatıstı.

Astana qalasınıñ Sarıarqa dañğılı men Kenesarı köşesiniñ qïılısında orın tepken «Ewrazïya» gülzarınıñ saltanattı aşılwına Mäjilis törağası Aslan Mwsïn,QR Eñbek jäne xalıqtı älewmettik qorğaw mïnïstri Berdibek Saparbaev qatıstı.

Şildeniñ 3-inde Mäjilis törağası Aslan Mwsïn Astana qalasınıñ Sarıarqa dañğılı men Kenesarı köşesiniñ qïılısında orın tepken «Ewrazïya» gülzarınıñ saltanattı aşılwına qatıstı.Bul şara Elordanıñ 10 jıldığı ayasında ötti.

Batıs Qazaqstan oblısınıñ Astanağa jasağan tartwı bolğan osı gülzardıñ orta tusında müsin ornatılğan. Müsinniñ qosılğan bas
jağında şañıraq ornatılğan. Bul Ewropa men Azïyanıñ qosılğan tusın bildiredi. Osı müsin 1,3 gektar awmaqtı alıp jatqan gülzardı ekige bölip tur. Gülzardıñ bir jağı Azïya qundılıqtarınan xabar beretin bolsa, ekinşi jağı Ewropanıñ rwxanï baylıqtarın äygilep tur.

Mäjilis törağası Aslan Mwsïn jïnalğan qawım aldında quttıqtaw söz söyledi. «Elbası Nursultan Äbişulı Nazarbaev Astananıñ 10 jıldığın layıqtı qarsı alwdı tapsırğan bolatın. Öytkeni bügingi küni bizdiñ Elordağa älem xalqı köz tigip otır. Elimizdiñ zor tabıstarğa qol jetkizgenin bükil älem bilwge tïis. Sondıqtan osı memlekettik merekege ülken dayındıqpen keldik. Oblıstardıñ qatıswımen Astanada ïgi ister atqarılıp jatır.

Batıs Qazaqstandıq bawırlar meyramğa ülken üles qostı. Bügin aşılatın «Evrazïya» gülzarı Astananıñ eñ körikti orındarınıñ birine aynaladı. Sondıqtan oraldıqtar öz jumıstarın abıroymen atqarıp şıqtı dewge äbden boladı. Bul gülzardıñ «Evrazïya» atalwında ülken män bar. Osı qwattı ïdeya – Qazaqstannıñ jarqın bolaşağı, zor abıroyı. Osılay desek, asıra aytqandıq emes. «Evrazïya» gülzarı – Batıs pen Şığıs arasındağı berik baylanıstıñ sïmvolı. Astana – Evropanıñ da, Azïyanıñ da ozıq dästürin tanıtatın bas qala. Bizdiñ osı bas qalamız – Astanamız körkeye bersin!»,- dedi A.Mwsïn.

Batıs Qazaqstan oblısınıñ äkimi Baqtıqoja İzmuxambetov öz sözin Astanağa Aqjayıqtıñ jalındı sälemin jetkizwden bastadı. Qos qurlıqtıñ toğısqan tusında ornalasqan Oral qalasınıñ da, Ewrazïya kindiginde orın tepken Astananıñ da özindik erekşelikteri bar ekeni anıq. Osı orayda «Ewrazïya» gülzarınıñ aşılwı jarasımdı boldı.

Saltanattı şara än men küyge, arwlardıñ mıñ buralğan bïine ulastı. Batıs Qazaqstannan kelgen öner ïeleri astanalıqtarğa än-jırdan şaşw şaştı.

Bul şarağa senatorlar Äbiş Kekilbaev, Raşïd Axmetov, Jandarbek Käkişev, Mäjilis depwtattarı Qabïbolla Jaqıpov, Şavxat Ötemisov, Elena Tarasenko, Vïktor Kïyanskïy, sonday-aq QR Eñbek jäne xalıqtı älewmettik qorğaw mïnïstri Berdibek Saparbaev qatıstı.

QazAqparat