Qarjı mïnïstrliginiñ keñeytilgen alqa mäjilisinde mïnïstr Bolat Jämişev osı jıldıñ birinşi jartısında mïnïstrliktiñ byudjet qarjısın ïgere almağandığın ayttı

Bastı > Bölimder > Jañalıqtar > 2008 > Şilde > Qarjı mïnïstrliginiñ keñeytilgen alqa mäjilisinde mïnïstr Bolat Jämişev osı jıldıñ birinşi jartısında mïnïstrliktiñ byudjet qarjısın ïgere almağandığın ayttı

Qarjı mïnïstrliginiñ keñeytilgen alqa mäjilisinde mïnïstr Bolat Jämişev osı jıldıñ birinşi jartısında mïnïstrliktiñ byudjet qarjısın ïgere almağandığın ayttı

Elimizde jıl ayağına deyin qarjılıq eseptiliktiñ depozïtarïi qurılwğa tïis. Şildeniñ 31-inde Qarjı mïnïstrliginiñ keñeytilgen alqa mäjilisinde bul twralı mïnïstr Bolat Jämişev ayttı.

Mïnïstrliktiñ ötken jılğı alqa mäjilisinde qarjılıq eseptiliktiñ depozïtarïin qurw tapsırılğanın jetkizgen B. Jämişev: «Bul bağıtta jumıs jürgizilwde. Men osı mäsele boyınşa birneşe märte keñes ötkizdim. Tutastay alğanda Qazaqstan ekonomïkası üşin bul jumıstıñ mañızı zor. Öytkeni biz osı arqılı elimizdiñ ïnvestïcïyalıq tartımdılığın küşeytemiz. Sondıqtan orındawşılardıñ nazarın mınağan awdarğım keledi; jıl soñına deyin qarjılıq eseptiliktiñ
depozïtarïi qurılwğa tïis», dedi.

Ağımdağı jıldıñ birinşi jartısında Qarjı mïnïstrligi byudjet qarjısın tïisti deñgeyde ïgere almadı. Bul twralı vedomstvonıñ bügingi keñeytilgen alqa mäjilisinde mïnïstr Bolat Jämişev mälim etti.

Onıñ sözine qarağanda, mïnïstrliktiñ tölemder boyınşa naqtılanğan josparı şildeniñ 1-de 421,7 mlrd. teñgeni quradı. Munıñ 420 mlrd. teñgesi orındalğan. Bul - naqtılanğan jospardıñ 99, 7 payızı. «Ökinişke qaray, qarjınıñ osınşalıqtı ïgerilwine biz tölemder jönindegi qarjılandırw josparlarına özgerister engizw arqılı qol jetkizdik. Eger jetistikterdi nazarğa almaytın bolsaq, onda qarjını ïgerwdiñ eñ tömengi payızı Kedendik baqılaw komïtetine (59,3 payız), Salıq komïtetine (72,3 payız), jäne Därmensiz borışkerlermen jumıs komïtetine (77,3 payız) tïesili. Ortalıq apparat boyınşa qarjınıñ ïgerilwi - 94 payız. Atalmış payızdar men naqtılanğan payızdar arasındağı ayırmaşılıq 0,7 payız», dedi mïnïstr.

Osı orayda mïnïstr qaramağındağılardıñ nazarın mınaday mäselege awdarttı; «Tutastay alğanda byudjet qarjısınıñ der kezinde
ïgerilmewine jol berwge bolmaydı. Öytkeni, 2007 jılğı byudjetiniñ orındalwı boyınşa Ükimet Parlamentke esep bergende depwtattardıñ negizgi suraqtarı men eskertpeleri qarjınıñ ïgerilmewine qatıstı boldı», dedi B. Jämişev. «Men Qarjı mïnïstrligi ağımdağı jılı byudjet qarjısın tïisti deñgeyde ïgere almadı dep sanaymın. Sondıqtan budan tïisti qorıtındı jasalğanı jön. Byudjet qarjısı tolıq kölemde jäne tïimdi ïgerilwi tïis», dedi ol.

QazAqparat