Premer-Mïnïstr Kärim Mäsimov Astananıñ irgesinde uyımdastırılğan «Qaraötkel-2008» 3-şi qazaqstandıq järmeñkeni aştı

Bastı > Bölimder > Jañalıqtar > 2008 > Tamız > Premer-Mïnïstr Kärim Mäsimov Astananıñ irgesinde uyımdastırılğan «Qaraötkel-2008» 3-şi qazaqstandıq järmeñkeni aştı

Premer-Mïnïstr Kärim Mäsimov Astananıñ irgesinde uyımdastırılğan «Qaraötkel-2008» 3-şi qazaqstandıq järmeñkeni aştı

Premer-Mïnïstr Kärim Mäsimov Astananıñ irgesinde uyımdastırılğan «Qaraötkel-2008» 3-şi qazaqstandıq järmeñkeni aştı.

Bïıl elimizde 3-şi ret ötkizilip otırğan järmeñkeni «Qazagromarketïng» AQ uyımdastırıp otır. Şarağa QR Awıl şarwaşılığı
mïnïstrligi, Astana qalasınıñ äkimdigi, «Qazagro» ulttıq xoldïngi resmï qoldaw körsetwde. «Bïıl biz 3-şi märte Qaraötkel järmeñkesin ötkizip otırmız. Men munı aqmolalıqtar men astanalıqtar, jalpı qazaqstandıqtar üşin mañızdı oqïğa dep sanaymın. Awılşarwaşılığın damıtwdıñ elimiz üşin mañızı zor. Awılşarwaşılığı salası bäsekege qabiletti äri öñirlik jäne ğalamdıq narıqta bäsekelestik mümkindigi joğarı bolwı üşin Memleket basşısınıñ tapsırması boyınşa salağa jıl sayın byudjetten qomaqtı qarjı bölinwde», - dep atap körsetti järmeñkeniñ aşılw räsiminde Ükimet basşısı.

Premer-Mïnïstr älemdik ekonomïka azıq-tülik jetistikpewşiligine tap bolıp otırğan, sonday-aq azıq-tülik tawarlarınıñ bağası ösken däl qazirgi waqıtta Qazaqstannıñ awılşarwaşılığı salasın jabdıqtaw köp märte ulğayıp otırğandığın jetkizdi. «Osı oraydı Elbasınıñ tapsırmasımen Ükimet awılşarwaşılığınıñ ïnfraqurılımın damıtwğa, saladağı bilim men densawlıqtı örkendetwge qomaqtı qarjı bölwde», - dedi K.Mäsimov. Ol järmeñkege qatıswşılarğa tabıstar tiledi.

Ayta keteyik, «Qaraötkel-2008» järmeñkesine respwblïkamızdıñ barlıq oblısınan jäne Astana men Almatı qalalarınan ärtürli agrarlıq öndiris salalarınıñ 200-den astam käsipornı qatıswda. Munda awılşarwaşılığı texnïkasın 20-ğa jwıq uyım usındı, al awılşarwaşılığı maldarı blogında 30-dan astam qatıswşı öz önimderin körsetwde. Sonday-aq jemis-jïdek pen kökönis jäne balıq önimderin qayta öñdewşi käsiporındardıñ önimderi de qoyıldı.

4 gektardan astam awmaqqa ornalasqan järmeñkede Qazaqstannıñ barlıq oblıstarınıñ şarwa jäne fermerlik qojalıqtarınıñ önim ülgileri de körsetilwde.

QazAqparat