QR Ortalıq saylaw komïssïyasınıñ otırısında QR Parlamenti Senatı depwtattarınıñ saylawın äzirlew men ötkizw boyınşa is-şaralardıñ küntizbelik josparı bekitildi

Bastı > Bölimder > Jañalıqtar > 2008 > Tamız > QR Ortalıq saylaw komïssïyasınıñ otırısında QR Parlamenti Senatı depwtattarınıñ saylawın äzirlew men ötkizw boyınşa is-şaralardıñ küntizbelik josparı bekitildi

QR Ortalıq saylaw komïssïyasınıñ otırısında QR Parlamenti Senatı depwtattarınıñ saylawın äzirlew men ötkizw boyınşa is-şaralardıñ küntizbelik josparı bekitildi

Tamızdıñ 1-inde QR Ortalıq saylaw komïssïyasınıñ otırısı bolıp ötti. Basqoswda QR Prezïdentiniñ 2008 jılğı şildeniñ 28-indegi «QR Parlamenti Senatı depwtattarınıñ kezekti saylawın 2008 jılğı qazannıñ 4-ine tağayındaw twralı» Jarlığın iske asırw maqsatında QR Parlamenti Senatı depwtattarınıñ saylawın äzirlew men ötkizw boyınşa is-şaralardıñ küntizbelik josparı bekitildi.

QR Konstïtwcïyasına säykes, Senat saylaw twralı konstïtwcïyalıq zañmen belgilengen tärtipte är oblıstan, respwblïkalıq mañızı bar qalalardan jäne QR astanasınan eki adamnan ökildik etetin depwtattardan quraladı. Parlament Senatına saylanğan depwtattardıñ ökilettik merzimi - altı jıl. «Senat depwtattarın saylaw janama saylaw jüyesi negizinde jasırın dawıs berw arqılı jüzege asırıladı. Depwtattardıñ jartısı ärbir üş jıl sayın qayta saylanıp otıradı. Al depwtattıqqa kandïdattardı mäslïxattar usınadı, sonday-aq azamattardıñ özin-özi usınwğa da quqığı bar», dedi OSK törağası Qwandıq Turğanqulov.

Ortalıq saylaw komïssïyasınıñ bekitken küntizbelik josparına säykes, saylaw twralı zañnamada qarastırılğan saylaw räsiminiñ tolıq cïkli 73 küntizbelik kün işinde ayaqtaladı. Senat depwtattığına kandïdattardı usınw tamızdıñ 2-si men qırküyektiñ 3-i aralığında, al kandïdattardı tirkew qırküyektiñ 13-ine deyin jürgiziledi. Tirkelgen kandïdattardıñ saylawaldı ügiti qırküyektiñ 14-inen bastalıp, qazannıñ 2-si küni ayaqtaladı. Oblıstıq, Astana jäne Almatı qalalıq saylaw komïssïyaları dawıs berw, dawıstardı sanaw jäne saylawdıñ nätïjelerin jarïyalawdı bir künniñ işinde, yağnï qazannıñ 4-i küni jürgizwi kerek. Al Ortalıq saylaw komïssïyası saylawdıñ qorıtındıların 2008 jılğı qazannıñ 10-ınan keşiktirmey anıqtawı tïis.

QazAqparat