QR Ükimetiniñ 2008 jılğı alğaşqı jartıjıldıq qorıtındılarına arnalğan keñeytilgen otırısı ötti

Bastı > Bölimder > Jañalıqtar > 2008 > Tamız > QR Ükimetiniñ 2008 jılğı alğaşqı jartıjıldıq qorıtındılarına arnalğan keñeytilgen otırısı ötti

QR Ükimetiniñ 2008 jılğı alğaşqı jartıjıldıq qorıtındılarına arnalğan keñeytilgen otırısı ötti

Tamızdıñ 6-sında Ükimet üyinde QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırıs barısında Premer-Mïnïstr Kärim Mäsimov Almatı qalası mañınan azıq-tülik beldewin qurw twralı tapsırma berdi.
«Memleket basşısınıñ jüktegen mindeti boyınşa, Astana qalasınıñ mañınan azıq-tülik beldewin qurw bastaması jaqsı jüzege asıp keledi. Meniñ oyımşa, Almatı qalasınıñ mañınan da osınday beldew qurw qajet. Sondıqtan da, Almatı oblısınıñ äkimine, Almatı qalasınıñ äkimine, Awıl şarwaşılığı mïnïstrimen birlese otırıp, säykes tapsırmanı jüzege asırwdı jükteymin. Azıq-tülik beldewleri elimizdiñ ülken megapolïsterin qamtamasız etwleri tïis», dedi K. Mäsimov.

Respwblïkalıq byudjetten bölingen qarajattı ïgere almağan byudjet äkimşileriniñ tizimi Prezïdentke usınılıp, olar qatañ jazalanadı. QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırıs barısında Premer-Mïnïstr Kärim Mäsimov osılay mälim etti.

«Biz aldağı üşjıldıq byudjetti qalıptastırw kezeñindemiz. Osığan oray, byudjet qarajattarınıñ ïgerilmey qalwı qatañ jazalanwı tïis. Al alğaşqı jartıjıldıqta byudjet qarajattarın ïgere almağandar, 9-şı ayda tağı tekseriletin boladı. Sol waqıtta Parlamentke barıp, ïgerilmewi mümkin qarajattardı qayta qarastırw jağın da oylastırıp qalwımız mümkin. Öytkeni qazına qarajatın beker küydirgenşe, onı tïimdi jolğa bağıttaw mañızdı. Sonımen birge Esep komïtetiniñ kömegimen jumısına selqos qarağan byudjet äkimşilerin jazalawdı qatañdatw qajet», dedi K. Mäsimov.
Sonımen birge, Ükimettiñ Parlamentke esep berwi barısında depwtattar aldında ärbir qarajattıñ qorğalıp, jasaqtalğanına toqtalğan Premer-Mïnïstr, endigi küni bağıttalğan qarjınıñ ïgerilmey qalwı bolmaw qajettigin qatañ talap etetinin mälim etti. «Toğız aydıñ qorıtındısı boyınşa qarajattı ïgermegen byudjet äkimşileriniñ tizimin Memleket basşısına usınıp, qatañ jazalaw twralı mäsele qoyamız», dedi Ükimet basşısı.

QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırıs barısında Premer-Mïnïstr Kärim Mäsimov «Xalıqtıñ qarjılıq sawattılığı twralı bağdarlamanıñ tïimdiligin arttırw qajet- dep mälimdedi.

Men vïce-premer Ömirzaq Şökeevpen birge Astana men Almatı qalalarınıñ aldanıp qalğan üleskerlerimen kezdesip şıqtım. Onda jurttıñ memleketke qoyıp otırğan şağımı qarjılıq sawattılıqqa da baylanıstı. Mäselen, olar «nege ülesker retinde qurılısqa qarjı salwdıñ qawipti ekendigin, memlekette damwdıñ örlewimen qosa, tömendewi tustarı bolatındığın, bankten kredït alw kezeñinde uqıptı bolw kerektigin aytpadıñızdar, tüsindirmediñizder» degen şağım aytwda. Şındığında bügin memleket osı mäselege naqtı kömek berip keledi. Bir kezderi qarjılıq pïramïdalarğa urınğandar bolsa, endigi küni qurılıs salasında problemelar twındap otır», degen Ükimet basşısı Kärim Mäsimov bul turğıda eldiñ qarjılıq sawattılığı aqsap turğanın atap ötti. Osığan oray, jurtşılıqtıñ qarjılıq sawattılığın arttırw bağdarlamasına erekşe nazar awdarw qajettigin aytqan K. Mäsimov, bul mäselemen tıñğılıqtı aynalısw memlekettiñ jawapkerşiligin bildiretinin atap ötti.

Qarjıgerler qawımdastığımen qosa, reytïngtik agenttiktiñ jumısın jandandırw qajet. QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırısı barısında Premer-Mïnïstr Kärim Mäsimov osılay mälim etti.
«Qazaqstanda reytïngtik agenttik qurılıp, qızmet atqarıp jatır. Qarjıgerler qawımdastığımen qosa, osı reytïngtik agenttiktiñ jumısın jandandırw qajet. Ärïne, reytïngtik agenttik şeşimdi eşkimge täwelsiz özderi qabıldaydı. Degenmen de, biz ağımdağı jağdaydı durıs tüsinip, tüsindire bilwimiz qajet», dedi K. Mäsimov. Sonımen qatar, ïpotekalıq dağdarıstıñ ötken jılı tamız ayınıñ ortasında bastalğanına toqtalğan Ükimet basşısı, bir jıl işindegi jağdaydıñ qanşalıqtı özgergendigin bilwdiñ, saraptama jasap otırwdıñ mañızı zor ekendigin atap ötti. «Reytïngtik agenttikterdiñ jumısın belsendirw kerek. Degenmen de, onday agenttikterdiñ şeşimi qanday bolsa da, biz özimizdiñ ekonomïkalıq sayasatımızdı eñ aldımen özimizdiñ küşimizge senip atqarwımız qajet», dedi Premer-Mïnïstr.«Bügingi otırısta aldımızda turğan barlıq mäseleler men Memleket basşısı jüktegen mindetterdiñ orındalw barısın talqıladıq. Meniñ oyımşa, Elbası tapsırğan mindetter negizinen orındaldı. Qazaqstan ekonomïkası turaqtı äri sırtqı qawipterge qaramastan bizdiñ özimiz boljağan parametrler şeñberinde damıp keledi. Degenmen de, qol jetkizgen jetistikte turıp qalwğa bolmaydı. Öytkeni, jaña däwirde jaña qawipter bolatın bolsa, biz oğan jañaşa ärekettermen jawap berwge mindettimiz», dedi K. Mäsimov.

QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırısında QR Premer-Mïnïstri Kärim Mäsimov Ükimet müşeleri men äkimderge qıstıñ jaylı bolwın qazirden nazarda ustawdı tapsırdı.
«Memleket basşısınıñ tapsırmasına oray, agroönerkäsiptik keşen salası jumısına tüzetwler engizildi. Osı salağa köktemgi nawqan barısında qosımşa qarajattar bölindi, aldağı waqıtta tağı bölinetin boladı. Ulttıq azıq-tülik qawipsizdigi turğısınan alğanda, biz özimizdi özimiz azıq-tülikpen tolıq qamtamasız ete alamız. Sırtqı qamtamasız etwlerge senwge bolmaydı», dedi K. Mäsimov. Sonımen birge, Ükimet basşısı, egin jïnaw nawqanı men qısqa dayındıq, janar-jağarmaymen qamtamasız etw, azıq-tülik qawipsizdigin jüzege asırw mäseleleri Ükimet müşeleriniñ de, äkimderdiñ de nazardan tıs qaldırmaytın mindeti ekendigin atap ötti. «Bul şaralardı tolıq qamtwğa alğışarttar bar, reswrstar men mümkindikter jetkilikti. Sondıqtan da qıs jaylı boladı dep oylaymın», dedi K. Mäsimov.

QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırısında QR Energetïka jäne mïneraldıq reswrstar mïnïstri Sawat Mıñbaev 2008 jıldıñ alğaşqı jartıjıldığında jerdi paydalanw salasında 20 kelisimşart buzılğandığın xabarladı.
«Jerdi paydalanw salasında burın qol qoyılğan kelisimşarttarda qamtılğan mindetterdi orındawdı xattaw qorıtındısına säykes, ağımdağı jıldıñ 6 ayında 20 kelisimşart buzıldı. Toqtala ketetin jayt, ötken jıldıñ qaraşa-jeltoqsan aylarında bunday kelisimderdiñ 84-i buzılğan bolatın. Olardıñ basım böligi boyınşa sot isteri äli jalğaswda», dedi S. Mıñbaev. Mïnïstrdiñ aytwınşa, jalpı alğanda jıl basınan beri qabıldanğan şaralar nätïjesinde lïcenzïyalaw arqılı kelisim jağdayı aytarlıqtay jaqsarğan. «Mäselen, eger 2007 jıldıñ alğaşqı jartıjıldığında özderiniñ kelisimde qarastırılğan mindetterin jüzege asıratın kompanïyalar ülesi 67 payızdı qurasa, bïılğı jılı bul körsetkiş 90 payızğa jetip otır», dedi vedomstvo basşısı.

Elimizdiñ xalıqaralıq rezervteri, Ulttıq qor qarajatın qosa alğanda 21,4 payızğa artıp, 47 mlrd. dollardı qurap otır. QR Ükimetiniñ 2008 jılğı alğaşqı jartıjıldıq qorıtındıları boyınşa ötken keñeytilgen otırısında QR Ekonomïka jäne byudjettik josparlaw mïnïstri Baqıt Sultanov osılay mälim etti.
«Jıl basınan beri el ekonomïkası sırtqı jağımsız sebepterdiñ ıqpalına qaramastan öziniñ turaqtılığı men odan äri damw älewetin körsetti. Buğan köbinese älewmettik ekonomïkalıq damwdıñ turaqtılığın qamtamasız etw boyınşa Ükimettiñ der kezinde atqarğan is-şaralarınıñ nätïjesinde qol jetkizildi. Ağımdağı jıl basınan beri damw qorıtındılarında pessïmïstik boljamdardıñ aqtalmağanı bayqaldı. Bul aqşa-kredït sayasatı, tölem balansı, qurılıs salasınıñ damwınıñ boljamdıq körsetkişterine qatıstı bolıp tabıladı. 2008 jıldıñ birinşi jartıjıldığında naqtı jalpı işki önim ösimi bağalaw boyınşa 105,1 payız quradı. Osınıñ özi 5-7 payız aralığındağı boljanğan körsetkişke säykes keledi», dedi B. Sultanov.
Mïnïstrdiñ aytwınşa, naqtı ösim negizinen öndirwşi sektor, awıl şarwaşılığı, qurılıs jäne qızmet körsetw salaları esebinen qamtamasız etilip otır. Mäselen, alğaşqı jartıjıldıqtağı negizgi kapïtalğa ïnvestïcïya 12,4 payızğa artqan. Bul burın boljanğannan äldeqayda artıq. Sonımen birge, esepti kezeñdegi kredït awqımı saqtalıp, ötken jılğı kezeñmen birdey körsetkişte bolıp tur. «Jekelegen ïndïkatorlar ösiminiñ bayawlawına qaramastan, qarjılıq jüye turaqtılığın, tïimdi qızmet etetindigin tanıttı. Jıl basınan beri ekinşi deñgeyli bankterdiñ jeke kapïtalı 5,8 payızğa arttı. Al elimizdiñ xalıqaralıq rezervteri, Ulttıq qor qarajatın qosa alğanda 21,4 payızğa artıp, 47 mlrd. dollardı qurap otır», dedi B. Sultanov.

QazAqparat