Almatı oblısı Rayımbek awdanında ötken «Moynaq sw-elektr stansası qurılısı» serpindi jobası boyınşa qurılğan ükimettik komïssïyanıñ köşpeli mäjilisine QR Energetïka jäne mïneraldıq reswrstar vïce-mïnïstri Düysenbay Turğanov qatıstı

Bastı > Bölimder > Jañalıqtar > 2008 > Tamız > Almatı oblısı Rayımbek awdanında ötken «Moynaq sw-elektr stansası qurılısı» serpindi jobası boyınşa qurılğan ükimettik komïssïyanıñ köşpeli mäjilisine QR Energetïka jäne mïneraldıq reswrstar vïce-mïnïstri Düysenbay Turğanov qatıstı

Almatı oblısı Rayımbek awdanında ötken «Moynaq sw-elektr stansası qurılısı» serpindi jobası boyınşa qurılğan ükimettik komïssïyanıñ köşpeli mäjilisine QR Energetïka jäne mïneraldıq reswrstar vïce-mïnïstri Düysenbay Turğanov qatıstı

Tamızdıñ 8-inde Almatı oblısı Rayımbek awdanında «Moynaq sw-elektr stansası qurılısı» serpindi jobası boyınşa qurılğan ükimettik komïssïyanıñ köşpeli mäjilisi ötti.

«Ükimet basşısınıñ ökimimen 30 serpindi joba boyınşa jumıs toptarı qurılğan edi. Olar twındap jatqan mäselelerdi şeşw üşin joba jüzege asırılıp jatqan jerlerge barıp mäjilis ötkizedi. Biz de özimizdiñ bul otırısımızda biraz sawaldarğa jawap taptıq. Qazir jasalıp jatqan jumıstardıñ qarqını öte jaqsı. Keste boyınşa bul jobanıñ ayaqtalwı 2011 jıldıñ ayağı bolatın. Qıtaylıq äriptester sol merzimdi qısqartwğa kelisip otır. Olar sw-elektr stansasınıñ jalpı jumıstarın jeltoqsanda emes küz aylarında bitirwge öz kelisimderin berdi», deydi ükimettik komïssïya törağası, QR Energetïka jäne mïneraldıq reswrstar vïce-mïnïstri Düysenbay Turğanov.

Şarın özeninde salınıp jatqan 300 MVt qwatı bar «Moynaq SES-i» qurılısı 1985 jılı bastalğan bolatın. Qarjı tapşılığına baylanıstı 1992 jılı toqtap qalğan bul joba 2006 jıldan bastap qayta jandandı. Oğan «QR Elektr energetïkasın damıtwdıñ 2030 jılğa deyingi bağdarlaması» men Ükimettiñ «Moynaq SES salw twralı» qawlısına say 2005 jılı şildeniñ 21-inde qabıldanğan «Şarın özenindegi Moynaq SES-i qurılısı» jobasın jañğırtw twralı şeşimi türtki boldı. Düysenbay Turğanovtıñ aytwınşa, kelisim boyınşa qurılıs jumıstarın jürgizwşilerdiñ 80 payızı jergilikti, al 20 payızı qıtaylıq mamandar bolmaq.

QazAqparat