Ükimette ötken selektorlıq keñeste aldağı egin orağı nawqanına dayındıq, astıq eksportı men astıq tasımalına qatıstı mäseleler talqılandı

Bastı > Bölimder > Jañalıqtar > 2008 > Tamız > Ükimette ötken selektorlıq keñeste aldağı egin orağı nawqanına dayındıq, astıq eksportı men astıq tasımalına qatıstı mäseleler talqılandı

Ükimette ötken selektorlıq keñeste aldağı egin orağı nawqanına dayındıq, astıq eksportı men astıq tasımalına qatıstı mäseleler talqılandı

Şildeniñ 11-inde Ükimet üyinde QR Premer-Mïnïstri Kärim Mäsimovtıñ törağalığımen ötken selektorlıq keñes barısında oblıs äkimderi aldağı egin orağı nawqanına dayındıq mäselesi boyınşa esep berdi.
Telefon baylanısı arqılı esep bergen oblıs basşıları egistik alqaptarınıñ jalpı awmağı men odan jïnalatın astıqtıñ kölemi jayında bayandap, oğan qajetti texnïka men janar-jağarmaymen qamtw mäselesine toqtaldı. Qızılorda oblısı äkiminiñ aytwınşa, bïıl oblıs awmağındağı egistiktiñ jalpı kölemi 61 mıñ gektar jerdi qurap otır. Odan 96 payız astıqtıñ önimdi türin, sonday-aq oblısta 91 mıñ tonna dändi daqıldı jïnaw josparlanwda. Şığıs Qazaqstan oblısında är gektar jerden 6 centner astıq jïnaw közdelse, Qostanay oblısında oraq nawqanı jıldağıdan erte bastalmaq. Oblıs basşılarınıñ sözine qarağanda, büginde janar-jağarmaymen qamtw jumısı oydağıday jürgizilwde.
QR Premer-Mïnïstri Kärim Mäsimov oblıs basşılarına aldağı astıq nawqanı ayasında atqarılıp jatqan jumıstar boyınşa turaqtı esep berip otırwdı tapsırdı.

Bïıl elimizdiñ işki narığı turaqtı bolıp, oblıstardağı astıq rezervteri tolıq jïnalsa, biz astıqtı eksporttawğa tıyım salw mäselesin qayta qarastıramız.Bul twralı Ükimet üyinde ötken selektorlıq keñes barısında QR Premer-Mïnïstri Kärim Mäsimov mälim etti.
Ükimet basşısınıñ aytwınşa, aldağı waqıtta ötkizeli otırğan elimizdiñ bastı eksporttawşı käsiporındarı jetekşilerimen kezdesw barısında bïılğı astıqtıñ kölemi men osığan baylanıstı basqa da mäseleler pısıqtalmaq. «Elimizdiñ işki narığı turaqtı bolıp, oblıstardağı astıq rezervteri tolıq jïnalsa, biz astıqtı eksporttawğa tıyım salw mäselesin qayta qarastırmaqpız. Al buğan eşbir kepildikter bolmasa, Ükimettiñ astıqtı eksporttawğa tıyım salw şeşimi öz küşinde qalmaq», - dedi K.Mäsimov.

Ükimet üyinde ötken selektorlıq keñes barısında QR Premer-Mïnïstri Kärim Mäsimovtıñ aldağı egin jïnaw nawqanı kezinde astıq tasımaldawğa baylanıstı qoyğan sawalına «Qazaqstan temir jolı» UK» AQ prezïdenti Asqar Mamïn büginde astıqtı tasımaldawğa qajetti jetkilikti vagon bar- dep jawap berdi. Olardıñ sanı bir mıñ dananı qurap otır. «Sondıqtan, büginde astıqtı tasımaldawğa qajetti temir jol vagondarı jetpey jatır degen aqparatqa senwge bolmaydı. Aldağı waqıtta biz astıq tasımaldawğa baylanıstı kez kelgen ötinişti orındawğa dayarmız»- dedi A.Mamïn.

Ükimettiñ selektorlıq keñesinde QR Awıl şarwaşılığı mïnïstri Aqılbek Kürişbaev büginge deyin respwblïkadağı egistik alqaptarınıñ 8 payızı – 848 mıñ gektar jerden 832 mıñ tonna astıq jïnalğandığın xabarladı. Ötken jılı osı waqıtta 14 payız egistik alqaptarınan 1,3 mln. tonna astıq orılğan bolatın. Maylı daqıldar egilgen jerlerdiñ 82 payız awmağınan önimdi tawar alw josparlanıp otır. Bıltır bul körsetkiş 99 payız bolğan. «Qazirgi kezde barlıq oblıstarda jem dayarlaw nawqanı jürwde. Bul jumıstıñ körsetkişi de tömen bolıp tur. Buğan bïılğı awa rayınıñ qurğaqşılığı men narıqtağı janar-jağar maydıñ qımbatşılığı sebep boldı», - deydi A.Kürişbaev.

Ağımdağı jılı qırküyektiñ 1-inde astıqtı eksporttawğa tıyım salw jönindegi şeşimniñ merzimi ayaqtaladı. Sondıqtan büginnen astıqtıñ turaqtı qorın qalıptastırw qajet. Bul twralı Ükimet üyinde ötken selektorlıq keñeste QR Awıl şarwaşılığı mïnïstri Aqılbek Kürişbaev ayttı.

Ol üşin büginnen bastap turaqtı qorın qalıptasırwğa qajetti 600 mıñ tonna astıqtı Ükimet rezervterinen bölinetin qarjığa satıp alğan jön, -deydi mïnïstr. «Nan bağasın bir deñgeyde ustawğa kömektesetin bul jumıstı byudjet esebinen atqarw qajet. Sebebi, «Azıq-tülik korporacïyası» AQ-nıñ nesïelik jüyesi qoldanılatın bolsa, onıñ payızdıq mölşerlemesi astıqtıñ qımbattawına äkelip soqtırwı mümkin», - deydi A.Kürişbaev.

QazAqparat