Ükimet otırısında jol polïcïyasındağı jemqorlıqtı joyuğa qatıstı mäseleler talqılanıp, QR Ükimetiniñ qarawına engiziletin birqatar zañ jobalarına qatıstı tapsırmalar berildi

Bastı > Bölimder > Jañalıqtar > 2008 > Tamız > Ükimet otırısında jol polïcïyasındağı jemqorlıqtı joyuğa qatıstı mäseleler talqılanıp, QR Ükimetiniñ qarawına engiziletin birqatar zañ jobalarına qatıstı tapsırmalar berildi

Ükimet otırısında jol polïcïyasındağı jemqorlıqtı joyuğa qatıstı mäseleler talqılanıp, QR Ükimetiniñ qarawına engiziletin birqatar zañ jobalarına qatıstı tapsırmalar berildi

Jol polïcïyası qızmetkerleri arasında jemqorlıqtıñ bar ekendigin bilemiz. Osığan baylanıstı sizderge jol polïcïyasındağı jemqorlıqtı tübegeyli joyudı tapsıramın.

Ükimet otırısında QR Premer-Mïnïstri Kärim Mäsimov İşki ister mïnïstrliginiñ Jol polïcïyası komïtetiniñ basşılığına osınday tapsırma berdi.
Jol polïcïyası qızmetkerleri arasında jemqorlıqtıñ bar ekendigi jäne ol twralı xalıq arasında jïi aytılatını jayında ayta kele, K. Mäsimov: «Jol polïcïyasındağı jemqorlıqtı tübegeyli joyu maqsatında sizderge osı qoğamdıq dertten jeke quramdı tazartwğa qajetti tïisti is-şaralardı atqarwdı tapsıramın», - dedi ol.

Ağımdağı aydıñ 20-sına deyin QR Ükimetiniñ qarawına birqatar zañ jobaları engizilwi tïis. Bul twralı tamızdıñ 12-sinde ötken Ükimet otırısında QR Ädilet mïnïstri Zağïpa Balïeva ayttı. Ol Ükimettiñ qarawına jiberiletin zañdardıñ büginde memlekettik organdarda talqılanıp jatqandığın xabarladı. Olardıñ işinde «Üşinşi jaqtağı azamattarğa zïyan keltirw qawpi bar nısan ïeleriniñ azamattıq-quqıqtıq jawapkerşiligin mindetti saqtandırw mäseleleri boyınşa özgerister men tolıqtırwlar engizw twralı», «Sırtqı barlaw organdarı twralı», «Äskerï qızmetşilerdiñ jawapkerşiligi mäselelerine özgerister men tolıqtırwlar engizw twralı», «Jer reswrstarı jäne onı paydalanw», «Jergilikti memlekettik basqarw jäne özin-özi basqarw twralı» jäne onımen salalas zañdar bar.

QR Ükimetiniñ zañ äzirlew jumıstarı josparına säykes 66 zañ jobasın dayındaw josparlanıp otır. Bul twralı Ükimet otırısında QR Ädilet mïnïstri Zağïpa Balïeva mälim etti.
Mïnïstrdiñ aytwınşa, olardıñ arasında eki zañğa Elbası qol qoydı. QR Parlamenti Mäjilisiniñ qarawına 19-ı jiberilse, Ükimettiñ kelisiminde 10 zañ jobası bar. 27 zañ jobası büginde äzirlenip, memlekettik organdardıñ qarawına joldandı. «Mecenattıq twralı» zañ jobası jumıs josparınan alıp tastalınadı. Sebebi, ol basqa zañğa kirigip otır. Oğan qosa, munay operacïyaları men jalpı sırtqı qarız twralı eki zañ jobasın da alıp tastaw mäselesi qarastırılwda. Al «2009 jıldıñ byudjeti, Ekonomïka jäne byudjettik josparaw
mïnïstrligine qarastı memlekettik organdardıñ jumısın jetildirw, tutınwşılardıñ quqığın qorğaw jäne onımen salalas zañdar äzirlenw üstinde», - dedi Z.Balïeva.
Parlament jumısınıñ birinşi sessïyası barısında Ükimet tarapınan talqılawğa 117 zañ jobası engizilip, olardıñ 42-si qabıldandı.

Büginde «Jalğan käsipkerlik twralı» zañğa özgerister men tolıqtırwlardı engizw twralı» zañ jobası keşigip jatır. Seysenbi küngi Ükimet otırısında QR Premer-Mïnïstri Kärim Mäsimov osı mäseleni atap ötti.

Atalmış zañ jobasınıñ äzirlewine jawaptı QR Qarjı mïnïstrliginiñ basşısı Bolat Jämişev: «Büginde atalmış zañ jobası barlıq quziretti organdardıñ qarawına jiberilip otır. Biraq bul qujatqa QR Qılmıstıq kodeksiniñ 192-babında körsetilgen «zañdı tulğalardı memlekettik tirkew, bölimşeler men ökildikterdi eseptik tirkew» boyınşa QR Bas prokwratwrası, QR Joğarğı sotı jäne Sıbaylas jemqorlıqpen jäne ekonomïkalıq qılmıspen küres jönindegi agenttik kelispey otır. Qılmıstıq jüyege özgeris engizw bizdiñ vedomstvonıñ qızmetine jatpağandıqtan, osı mäseleni arnayı keñeste talqılap, tïisti organdarmen kelisip alğan jön», - dedi.

QR Premer-Mïnïstri osı mäselege oray arnayı keñes ötkizwge tapsırma berdi.

Biz barlıq zañ jobaların tïyanaqtı türde äzirlep, Parlamenttiñ talqılawına engizwge tïispiz. Tamızdıñ 12-sinde ötken Ükimet otırısında QR Premer-Mïnïstri Kärim Mäsimov osılay ayttı.

«Osığan oray Parlament sessïyasınıñ bastalwına deyin üş kezdesw ötkizwge tapsırma beremin. Sessïya jumısına deyin «Nur Otan» XDP-sınıñ basşılığımen, Mäjilis jäne Senat jetekşilerimen barlıq zañ jobaları boyınşa keñes ötkizw qajet. Biz äzirlegen barlıq zañ jobalarında olardıñ barlıq sın-eskertpeleri qamtılwı şart. Parlamentke kirgennen keyin, biz naqtı is boyınşa sındarlı türde jumıs jasawımız qajet», - dedi K.Mäsimov.

Ükimet basşısı zañ jobaların talqılawğa arnalğan keñesterge özi qatıswğa nïetti ekendigin jetkizdi.

QR Ükimeti Parlament sessïyasınıñ qarawına «Üş jıldıq byudjet twralı», Salıq kodeksi, Byudjet kodeksi jäne «Bäsekelestik twralı» zañ jobaların engizwdi josparlap otır.

Täwelsizdik jıldarı kezinde bizde asa köp zañdar qabıldandı. Qazirgi kezde olardıñ biri müldem basqa maqsatqa bağıttalsa, ekinşisi bir-birine qayşı kele bastadı. Sol sebepti osı zañ aktilerin qısqartw mäselesin qarastırw qajet. Ükimet otırısında QR Premer-Mïnïstri Kärim Mäsimov QR Ädilet mïnïstri Zağïpa Balïevağa osınday tapsırma berdi.

«Bügingi tañda älemdik täjirïbede «gïlotïna ustanımı» degen tujırımdama bar. Oğan säykes ekonomïkanıñ ötpeli kezeñinde köp bolıp ketken zañ aktileri qısqartıladı. Mine, osı täjirïbeni zerttep, bizde de qoldanw qajet. Täwelsizdik jıldarı kezinde bizde asa köp zañdar qabıldandı. Qazirgi kezde olar bir-birine qayşı kele bastadı. Sol sebepti osı zañ aktilerin qısqartw mäselesin qarastırw qajet. Ärïne, atalğan mäsele boyınşa QR Prezïdenti Äkimşiligimen kelisip alğan jön», - dedi K.Mäsimov.

«Gïlotïna ustanımı» tujırımdaması 1980 jılı Şvecïya elinde äzirlengen bolatın. Oğan säykes, zañnamağa qayşı nemese narıq talaptarına say kelmeytin normatïvti aktiler tez arada qayta qarastırılıp, qoldanıstan şığarıladı. Atalmış tujırımdama sayasï reformalardıñ tïimdi quralı retinde Ïtalïya, Meksïka, Oñtüstik Koreya jäne Majarstan elinde qoldanğan bolatın.

QazAqparat