Bastı > Bölimder > Jañalıqtar > 2008 > Tamız > Qazaqstan Respwblïkasınıñ Premer-Mïnïstri Kärim Mäsimov «ArselorMïttal Temirtaw» AQ öndirisin jañğırtw jäne damıtw mäselelerine arnalğan keñes ötkizdi

Qazaqstan Respwblïkasınıñ Premer-Mïnïstri Kärim Mäsimov «ArselorMïttal Temirtaw» AQ öndirisin jañğırtw jäne damıtw mäselelerine arnalğan keñes ötkizdi

Keñes qorıtındısında Premer-Mïnïstr K.Mäsimov «ArselorMïttal Temirtaw» AQ jañğırtw jäne damıtw» jobasın iske asırwğa qatıstı is- şaralar Josparınıñ texnologïyalıq böligin, onıñ işinde jer bölw, energïyamen, swmen qamtamasız etw, kölik ïnfraqurılımın damıtw jäne qajetti şïkizat qorın dayındaw mäseleleri boyınşa jumıstı ayaqtawdı tapsırdı.

Tamızdıñ 20- sında Ükimet üyinde Qazaqstan Respwblïkasınıñ Premer-Mïnïstri Kärim Mäsimov «ArselorMïttal Temirtaw» AQ öndirisin jañğırtw jäne damıtw mäselelerine arnalğan keñes ötkizdi.

Jumıs tobınıñ müşeleri Premer-Mïnïstrge «ArselorMïttal Temirtaw» AQ jañğırtw jäne damıtw» jobasın iske asırwğa qatıstı is- şaralar Josparınıñ dayındalğanın bayandadı. Josparda mïneraldı- şïkizat qorın keñeytw, metallwrgïya öndirisin, ïnjenerlik ïnfraqurılımdı, energetïkalıq jäne sw şarwaşılığı keşenderin damıtw, birqatar älewmettik jobalardı iske asırw mäseleleri qamtılğan. Qazirgi tañda «Qazaqstannıñ 30 korporatïvtik köşbasşısı» bağdarlamasına qatısw üşin «Qazına» ornıqtı damw qorı» AQ ötinim berildi.

Keñeske qatıswşılar bul jobanıñ iske asırılwı Qazaqstandağı qara metallwrgïyanıñ damwına, kendik qordıñ keñeyuine jäne qosımşa qunı joğarı önim alwğa serpin beretinin atap ötti.

Keñes qorıtındısında Premer-Mïnïstr K.Mäsimov Jospardıñ texnologïyalıq böligin, onıñ işinde jer bölw, energïyamen, swmen qamtamasız etw, kölik ïnfraqurılımın damıtw jäne qajetti şïkizat qorın dayındaw mäseleleri boyınşa jumıstı ayaqtawdı tapsırdı.

QR Premer-Mïnïstriniñ baspasöz qızmeti