QR Sırtqı ister mïnïstrligi Oñtüstik Osetïyadağı bügingi sayasï axwalğa baylanıstı mälimdeme jasadı

Bastı > Bölimder > Jañalıqtar > 2008 > Tamız > QR Sırtqı ister mïnïstrligi Oñtüstik Osetïyadağı bügingi sayasï axwalğa baylanıstı mälimdeme jasadı

QR Sırtqı ister mïnïstrligi Oñtüstik Osetïyadağı bügingi sayasï axwalğa baylanıstı mälimdeme jasadı

QR Sırtqı ister mïnïstrligi Oñtüstik Osetïyadağı bügingi sayasï axwalğa baylanıstı mälimdeme jasadı.

«Oñtüstik Osetïyadağı qazirgi jağday jäne osı öñirdegi soñğı oqïğalar ädil jäne ustamdı bağalawdı talap etedi, öytkeni olar prïncïpti sïpatı bar birqatar mäselelerdi qozğaydı.

Oñtüstik Osetïyada kürdeli şïelenisken etno-awmaqtıq mäseleni küşpen şeşwge ärekettenw awır saldarğa äkelip soqtı. Mäseleni beybit jolmen jäne quqıqtıq turğıdan şeşw edäwir qïındadı.

Öñirdegi gwmanïtarlıq apat jağdayında Qazaqstan zardap şekken turğındarğa materïaldıq kömek körsetwde.

Bolaşaqta etno-awmaqtıq mäselelerdi şeşw - xalıqaralıq quqıqtıq baza negizinde jüzege asırılwı tïis ekeni ayqın.

Biz Resey, Francïya, Grwzïya prezïdentteri, sonday-aq Abxazïya jäne Oñtüstik Osetïya basşılığı qol jetkizgen wağdalastıqtardı qoldaymız. Osı wağdalastıqtardı qaqtığısqa qatısı bar barlıq taraptardıñ mültiksiz orındawı qajet.

Biz osı mäseleni BUU Jarğısına, 1975 jılğı Xelsïnkï Qorıtındı Aktisine, 1966 jılğı xalıqaralıq paktilerge jäne xalıqaralıq quqıqtıñ basqa da negizge alınatın qujattarına säykes şeşwdiñ Resey basşılığı usınğan jolın quptaymız.

Sonımen qatar, qaqtığıs aymağında EQIU baqılawşılarınıñ sanın köbeytwdi jäne olardıñ rölin jandandırwdı jaqtaymız», delingen mälimdemede.

QazAqparat