Elbası Ükimet pen memlekettik organdardıñ basşılarına tikeley jelide qamtılmağan xalıq sawaldarına jawap berwdi tapsırdı

Bastı > Bölimder > Jañalıqtar > > Qaraşa > Elbası Ükimet pen memlekettik organdardıñ basşılarına tikeley jelide qamtılmağan xalıq sawaldarına jawap berwdi tapsırdı

Elbası Ükimet pen memlekettik organdardıñ basşılarına tikeley jelide qamtılmağan xalıq sawaldarına jawap berwdi tapsırdı

Elbası Nursultan Nazarbaev Ükimetke jäne barlıq memlekettik organdardıñ basşılarına tikeley jeli boyınşa kelip tüsken xalıqtıñ sawaldarına tolıq jawap berip, olardı elimizdegi jetekşi buqaralıq aqparat quraldarında körsetip, jarïyalawdı tapsırdı.
Prezïdent bul tapsırmanı bügin tikeley jelide qazaqstandıqtardıñ sawalına jawap berip bolğannan keyin berdi.
«Men Ükimetke, barlıq mïnïstrlikter men vedomstvolarğa, barlıq oblıstardıñ, awdandar men qalalardıñ äkimdikterine kelip tüsken sawaldardı tügeldey qamtıp, olarğa jawap berwdi tapsıramın», dedi N. Nazarbaev.
Osı orayda Memleket basşısı elimizdegi bastı ulttıq telearnalarğa jäne basqa da telearnalarğa jıldıñ soñına deyin ekrandarında mïnïstrlermen, olardıñ orınbasarlarımen, äkimdermen qoyılğan sawaldarğa qatıstı efïrler uyımdastırwdı usındı. «Olar da men sïyaqtı qalğan suraqtarğa jawap bersin», dedi Prezïdent. N. Nazarbaev sonday-aq elimizdiñ negizgi basılımdarı «Egemen Qazaqstan» men «Kazaxstanskaya pravda» gazetterine jäne basqa da gazetterge bul mäseleni muqïyat qadağalap, suraqtardıñ jawabın jarïyalawdı usındı. «Osılayşa biz barlıq mäselelerdi qamtıp, olarğa jawap berwge tırısamız», dedi Elbası.

QazAqparat