QR Premer-Mïnïstri ïnternet jüyesi keñistigin damıtwğa bağıttalğan tujırımdamanı qabıldaw şaraların jedeldetwdi tapsırdı

Bastı > Bölimder > Jañalıqtar > Bastı jañalıq > 2008 > nawrız > QR Premer-Mïnïstri ïnternet jüyesi keñistigin damıtwğa bağıttalğan tujırımdamanı qabıldaw şaraların jedeldetwdi tapsırdı

QR Premer-Mïnïstri ïnternet jüyesi keñistigin damıtwğa bağıttalğan tujırımdamanı qabıldaw şaraların jedeldetwdi tapsırdı

Nawrızdıñ 4-i küni Ükimet otırısında Premer-Mïnïstr Kärim Mäsimov qazaqstandıq ïnternet jüyesi (Qaznet) keñistigin damıtwğa bağıttalğan tujırımdamanı qabıldaw şaraların jedeldetwdi tapsırdı.

Aqparattandırw jäne baylanıs agenttiginiñ mälimetine qarağanda, büginde Qazaqstanda ïnternet jüyesin xalıqtıñ 11 payızğa jwığı paydalanadı. Baylanıs operatorlarınıñ esebi boyınşa ağımdağı jılğı qañtardıñ 1-ine deyin ïnternet jüyesi abonentteriniñ sanı 700 mıñğa jwıqtağan. Al «ICT Marketing» täwelsiz marketïngtik agenttiktiñ mälimetine qarağanda, 2007 jılı elimizde 1,6 mln. ïnternet paydalanwşı tirkelgen. Jalpı, qazirgi kezde Reseyde ïnternetti paydalanwşılar - 20 payızğa, Estonïyada -58 payızğa, Oñtüstik Koreyada - 65 payızğa, Kanadada 71 payızğa jetken.

Qazaqstandıq ïnternet jüyesi segmentinde 4-5 mıñğa tarta jumıs isteytin sayt bar. Onıñ işinde 95 payızı - orıs tildi sayttar.

2008 jıldıñ basında «Kaznette» domendik atawlar 23600-di qurağan. Al 2007 jılı olardıñ sanı 16431 bolğan. YAğnï, ötken jılğa qarağanda domendik atawlar sanı 43,6 payızğa ösken.

Premer-Mïnïstr Kärim Mäsimov tïisti memlekettik organdarğa elimizdegi üş iri energïya stansasınıñ, atap aytqanda, Balqaş Jılw elektr stansasınıñ, Ekibastuztağı 2-şi GRES-tiñ 3-şi energoblogınıñ jäne Moynaq Sw elektr stansasınıñ qurılısın salw mäselesin pısıqtawdı tapsırdı.

Atalmış elektr stansalarınıñ qurılısın salw jönindegi Elbasınıñ bïılğı Joldawında aytılğandığına toqtalğan Ükimet basşısı: «Biz onı mültiksiz orındawğa tïispiz», dedi.«Osı qısta elimizdiñ oñtüstik öñirinde elektr energïyasınıñ tapşılığı qattı bilindi. Bul stansalardıñ barlığı salınwı tïis. Bizde basqa jol joq. Sondıqtan barlığımız jumılıp, osı mäselelerdi şeşw jöninde oylanwımız qajet», dedi K. Mäsimov. Osı orayda Ükimet basşısı, barlıq tïisti mïnïstrlikterge, atap aytqanda, Energetïka jäne mïneraldıq reswrstar, Qarjı, Ekonomïka jäne byudjettik josparlaw, Ïndwstrïya jäne sawda mïnïstrlikterine, sonday-aq «Samurıq» xoldïngine bul mäseleni birlesip pısıqtawdı jüktedi. Budan bölek, Premer-Mïnïstr Bilim jäne ğılım mïnïstrligine elimizdiñ elektr energetïkalıq salasındağı kadrlar tapşılığın joyu üşin bilikti kadrlar dayındaw mäselesine nazar awdarwdı tapsırdı. «Biz atalğan stansalardıñ qurılısın ayaqtağannan keyin, olarda jumıs isteytin kadrlar tapşılığına urınıp qalmawımız qajet», dedi Ükimet basşısı.

Ayta keteyik, Ükimettiñ bügingi otırısında Balqaş Jılw elektr stansasınıñ, Ekibastuztağı 2-şi GRES-tiñ 3-şi energoblogınıñ jäne
Moynaq Sw elektr stansasınıñ qurılıstarın salw mäselesi talqılandı. Bul qurılıstar boyınşa «Samurıq» xoldïnginiñ Basqarma
törağası Qanat Bozımbaev bayandama jasadı.

Elimizdiñ elektr energetïkalıq salası üşin bilikti kadrlardıñ tapşılığı sezilwde. Bul mäseleni şeşw üşin aldağı oqw jılında Qazaqstannıñ joğarı oqw orındarında elektr energetïkası mamandıqtarı boyınşa oqıtwğa arnalğan memlekettik granttardıñ sanın aytarlıqtay ulğaytw qajet. Ükimettiñ otırısında «Samurıq» xoldïnginiñ basqarma törağası Qanat Bozımbaev osınday usınıs ayttı.

Q. Bozımbaev sonımen qatar atalmış mäseleni şeşw üşin «Bolaşaq» bağdarlaması ayasında elektr energetïkası mamandıqtarı
boyınşa şet elderde, eñ aldımen Resey, Qıtay, Germanïya jäne Francïyada qazaqstandıq mamandardı köptep oqıtw qajettigin ayttı.
Onıñ sözine qarağanda, «Samurıq» xoldïnginiñ quramına kiretin qwat öndirwşi kompanïyalardıñ özinde 2008-şi jılı energetïk mamanına suranıs 214 adamdı quraytın boladı. Al 2012-2013-şi jıldarı bul körsetkiş 1038-ge deyin ulğaymaq. Onıñ işinde, Balqaş jılw elektr stansasına 640 maman, Ekibastuzdağı 2-şi GRES-ke 298 maman qajet boladı. QazAqparat