Premer-Mïnïstr Kärim Mäsimovtiñ törağalığımen Ükimet otırısı ötti

Bastı > Bölimder > Jañalıqtar > Bastı jañalıq > 2008 > Mawsım > Premer-Mïnïstr Kärim Mäsimovtiñ törağalığımen Ükimet otırısı ötti

Premer-Mïnïstr Kärim Mäsimovtiñ törağalığımen Ükimet otırısı ötti

Qazaqstan Ükimeti men «Agip KCO» konsorcïwmı Qaşağan kenişindegi munay öndirw jumısın 2013 jıldıñ qazanına deyin bastaw jöninde kelisimge keldi. Bul twralı Ükimet otırısında Energetïka jäne mïneraldıq reswrstar mïnïstri Sawat Mıñbaev mälim etti.

Onıñ aytwınşa, Qazaqstan tarapı keşe «Qaşağan» kenişin ïgerwşi koncorcïwmğa qatıswşılarmen Memorandwmğa qol qoyğan. Taraptar keniştegi kommercïyalıq munay öndirw jumısın bastawdı 2013-şı jılğa uzartw jöninde wağdalasqan. «Eger kenişte munay öndirwdi bastaw jumıstarı 2013 jılğı qazannıñ 1-inen keşiktiriletin bolsa, onda konsorcwïmnıñ osı merzimnen arı qarayğı şığındarın Qazaqstan ötemeytin boladı», dedi mïnïstr. «Biz Qaşağandağı kommercïyalıq munay öndirw jumısınıñ bastalw merzimi soñğı ret uzartılıp otır dep oylaymız», dep qostı ol.

Öz kezeginde Premer-Mïnïstr Kärim Mäsimov kelissöz jürgizwşi komanda Qazaqstanıñ müddesin qorğawda aytarlıqtay tabandılıq
körsetkenin atap körsetip, olarğa alğıs bildirdi.

Ükimet otırısında Älewmettik-käsipkerlik korporacïyalardıñ (ÄKK) qızmetine qatıstı qujatar paketi maquldandı.

Otırıs barısında ÄKK twralı zañ jobasına baylanıstı, oğan ilespe keybir zañnamalıq aktilerge tolıqtırwlar engizwge, sonday-aq birqatar Ükimet qawlılarına qatıstı 8 qujat qaraldı.

Atap aytqanda, Ükimet müşeleri ken ornın paydalanw salasında ÄKK qızmetine baylanıstı tolıqtırwlar engizw jönindegi Prezïdent Jarlığınıñ jobasın maquldadı. Osığan oray ÄKK munay, gaz jäne wrannan basqa paydalı qazbalardıñ türleri boyınşa barlaw, öndirw, öñdew şaraların jüzege asıra aladı. Munımen qosa bügin Ükimette ÄKK-ge berilgen AQ-lar men JŞS-lar boyınşa memleket ülesi ayqındalatın eki qawlı bekitildi. Sonımen qatar, Älewmettik-käsipkerlik korporacïyalardağı kadrlıq tağayındawlarğa qatıstı qawlılar qabıldandı.

ÄKK-niñ kapïtaldandırw mäselesine toqtalğan Ïndwstrïya jäne sawda mïnïstri Vladïmïr Şkolnïk, Ükimet bekitken tizimge säykes,
Älewmettik-käsipkerlik korporacïyalarğa memlekettik menşiktegi 173 nısan men paydalı qazbalardıñ 194 ken orındarı berilwi tïis ekenin aytıp ötti.

Mïnïstrler kabïnetiniñ senbi küngi otırısında şağın jäne orta bïznesti qoldawğa qosımşa 160 mlrd. teñge bölw jöninde şeşim qabıldandı.

Ükimet basşısı Kärim Mäsimovtıñ aytwınşa, byudjetten bölinetin qosımşa qarjı şağın jäne orta bïznesti qoldawğa üş bağıt boyınşa körsetiledi. Birinşi bağıt boyınşa qarjı Almatı men Astana qalalarında ornalasqan şağın jäne orta bïznes swbektilerin nesïelewge jumsaladı. «Bul qalalardağı şağın jäne orta bïznes swbektilerine qoldaw körsetwşi negizgi operator «Qazına» qorı boladı. Qordıñ özi şağın jäne orta bïznesti qoldawğa qosımşa 50 mlrd. teñge böledi. Tağı 50 mlrd. teñgeni ekinşi deñgeyli bankter beredi. Bul rette nesïelewdiñ jalpı stavkası bügingidey 22 payız emes, 12,5 payız bolmaq. Men munı aytarlıqtay qoldaw dep bilemin», dedi Premer-Mïnïstr.

K. Mäsimovtıñ sözine qarağanda,şağın jäne orta bïznesti qarjılandırwdıñ ekinşi bağıtı respwblïkalıq jäne jergilikti byudjetterden teñ qarjılandırw bolıp tabıladı. Osığan säykes, öñirlerdegi şağın jäne orta bïznesti qoldawğa ärbir oblıstıñ byudjetinen 2 mlrd. teñge jäne respwblïkalıq byudjetten 2 mlrd. teñge bölinedi. Osılayşa öñirdegi şağın jäne orta bïznesti nesïelendirwge jalpı alğanda 56 mlrd. teñge bağıttaladı. «Üşinşi bağıt boyınşa şağın jäne orta bïznesti qoldaw üşin «Oñtüstik» Älewmettik käsikerlik korporacïyasına 4 mlrd. teñge bölinedi. Bul - jergilikti jerlerdegi şağın jäne orta bïznesti qoldawımızdıñ ayqın mısalı», dedi K. Mäsimov. Ol osı orayda «Oñtüstik» ÄKK-nıñ qazirgi jasap jatqan jumısına özge ÄKK-lerdiñ de tartılwı qajet ekenin ayttı.

«Osılayşa şağın jäne orta bïznesti qoldawğa qosımşa 160 mlrd. teñge bölinetin boladı. Bul Memleket basşısınıñ tapsırması jäne biz onı orındawımız qajet. Qarjını bölw jönindegi şeşim bügin qabıldanadı», dedi Premer-Mïnïstr.

QazAqparat