Premer-Mïnïstr K. Mäsimovtıñ törağalığımen ötken Ükimet otırısında jılıtw mawsımına dayındıq, elimizdegi barlıq dinï birlestikterdiñ qızmeti, zañsız eñbek mïgranttarı probleması, jeñil önerkäsip salasın damıtw mäseleleri talqılandı

Bastı > Bölimder > Jañalıqtar > Bastı jañalıq > 2008 > Şilde > Premer-Mïnïstr K. Mäsimovtıñ törağalığımen ötken Ükimet otırısında jılıtw mawsımına dayındıq, elimizdegi barlıq dinï birlestikterdiñ qızmeti, zañsız eñbek mïgranttarı probleması, jeñil önerkäsip salasın damıtw mäseleleri talqılandı

Premer-Mïnïstr K. Mäsimovtıñ törağalığımen ötken Ükimet otırısında jılıtw mawsımına dayındıq, elimizdegi barlıq dinï birlestikterdiñ qızmeti, zañsız eñbek mïgranttarı probleması, jeñil önerkäsip salasın damıtw mäseleleri talqılandı

Ükimette Qazaqstandağı jeñil önerkäsip salasın damıtw mäselelerimen şuğıldanatın jumıs tobı qurılatın boldı. Premer-Mïnïstr Kärim Mäsimovtıñ törağalığımen ötken Ükimet otırısında osınday şeşim qabıldandı.
Mïnïstrler kabïnetiniñ şildeniñ 29-ında ötken jïınında elimizdegi jeñil önerkäsip salasın damıtw mäselesi talqılanıp, salanıñ qazirgi jağdayı men onı örkendetwde kezdesip otırğan problemalar jayında jäne olardı şeşw joldarı twralı Ïndwstrïya jäne sawda vïce-mïnïstri Almas Qosınov, Qazaqstannıñ jeñil önerkäsip käsiporındarı qawımdastığınıñ basqarma törayımı Lyubov Xwdova bayandama jasadı. Mäseleniñ män-jayına qanıqqan Premer-Mïnïstr K. Mäsimov, elimizdegi jeñil önerkäsip salasın damıtw mäselesi kün tärtibine tekten-tekke şığarılmağanının ayta kele, «Mäsele aytılğan jerde qalmas üşin biz qanday da bir şeşim qabıldawımız qajet.
Men Ükimet jeñil önerkäsip salasın damıtwğa belsendi kömekteswi tïis dep sanaymın. Sondıqtan, Ïndwstrïya jäne sawda mïnïstri basşılıq jasaytın jumıs tobın quratın bolamız», dedi. Jumıs tobınıñ quramına müddeli memlekettik organdardıñ ökilderi enetin boladı. «Jeñil önerkäsip salasın damıtw sözbuydağa salınbawı tïis. Bügin salanı örkendetwge qatıstı sawattı usınıstar aytıldı. Qırküyektiñ 1-ne deyin Ükimettiñ şeşimi dayındalwı kerek, al qırküyekte atalmış salanı damıtw twralı Ükimettiñ qawlısın şığarw qajet», dedi Premer-Mïnïstr.

Ükimet otırısında Eñbek jäne xalıqtı älewmettik qorğaw mïnïstri Berdibek Saparbaev elimizge 200-300 mıñ zañsız eñbek mïgranttarı keletinin ayttı.«Elimizdegi ekonomïkalıq jağdaydıñ jaqsarwımen zañsız köşi-qon probleması ayrıqşa ötkir bolıp otır. İşki ister mïnïstrliginiñ sarapşılıq derekteri boyınşa, qazirgi küni elimiz awmağına 200-300 mıñ adam kelwde. Olardıñ basım köpşiligi zañsız eñbek qızmetimen aynalısatın TMD elderiniñ azamattarı», dedi B. Saparbaev otırısta. Onıñ aytwınşa, bul problemanı şeşw üşin mïgranttardı zañdı eñbekke ıntalandıratın tetikterdi äzirlew qajet. Osığan baylanıstı birlesken jumıs tobı ayasında Qırğız Respwblïkasımen eki eldiñ awmağına jumıs küşteriniñ emin-erkin jürip-turwı üşin qolaylı jağday jasaw jönindegi mäselelerdi pısıqtaw qolğa alınğan. Osınday jumıstı Täjikstanmen de bastaw josparlanıp otır.

Eñbek jäne xalıqtı älewmettik qorğaw mïnïstri B. Saparbaev perspektïvada köşi-qon üderisterin rettewdi TMD-da jumıs küşine suranıs pen usınıs jönindegi memleketaralıq derekter bankin qurw ayasında iske asırğan durısdep atap ötti. Bul TMD elderiniñ birtutas eñbek narığın qurw jönindegi strategïyalıq jospardı jüzege asırw kezinde kökeykesti boladı. «Memleketaralıq derekter banki arqılı ökiletti organdardıñ özara is-qïmılı mïgranttardıñ quqıqtarınıñ buzılwın eskertwge jäne onıñ aldın-alwğa, zañsız köşi-qonnıñ ağımın azaytwğa jağday jasaydı», dedi mïnïstr.

Ädilet mïnïstrligi qazirgi tañda zañdı tulğa märtebesi joq elimizdegi barlıq dinï birlestikterdi, sanı jağınan az dinï toptardı zerttew jumısın jürgizwde. Qorıtındı esep Ükimetke qazannıñ basında usınıladı. Bul twralı Ükimet otırısında Ädilet mïnïstri Zağïpa Balïeva mälim etti.

Otırısta elimizdegi barlıq dinï birlestikterdiñ qızmeti zerttelip jatqandığına toqtalğan Z. Bälïeva: «Mïnïstrlik ağımdağı jıldıñ üşinşi toqsanınıñ soñına deyin zañdı tulğa märtebesi joq barlıq dinï birlestikterdi, sanı jağınan az dinï toptardı zerttew jumısın, sonday-aq dinï ğïmarattardı tekserwdi ayaqtaydı. Qorıtındı esep Ükimetke qazannıñ basında usınıladı», dedi.

Atalğan jumısqa teolog ğalımdar qatıswda. Sonımen qatar, dinï mäseleler boyınşa özge de elderdiñ täjirïbesi zerdelenip, dinï birlestiktermen jumıs bağdarlaması jasalğan. Budan bölek mïnïstrlik memlekettik tirkewge usınılatın qurıltayşılıq qujattarğa jäne tïisti organdardıñ suraw salwı boyınşa dinï mazmundağı nısandarğa saraptama jürgizw ädistemesin jeñildetken. Memlekettik organdardıñ dinï birlestiktermen jumısı jöninde ädistemelik usınımdar äzirlenwde.

Z. Bälïeva şeteldik din taratwşılardıñ qızmeti öz aldına bir töbe ekendigin atap ötti. Onıñ sözine qarağanda, qazirgi küni Qazaqstan awmağında 362 din taratwşı jumıs isteydi. Şeteldikterdiñ elimizde bolwı erejelerin buzğanı jäne din taratwşılıq qızmetti tirkewsiz jüzege asırğanı üşin quqıq qorğaw organdarımen birlesip jäne sottardıñ şeşimderimen AQŞ-tıñ, Grwzïyanıñ, Oñtüstik Koreyanıñ jäne Japonïyanıñ köptegen azamattarı respwblïkamızdıñ awmağınan şığarılğan. Mäselen, sayentologïyalıq şirkewmen baylanısta bolğan «Narkonon» qorınıñ jetekşileri Qazaqstannan şettetilgen jäne olardıñ elimizge kelwine bes jılğa tıyım salınğan. «Tablïgï Jamaatqa» qarastı din taratwşı jeti toptıñ wağız jürgizwine tıyım salınğan. Olardıñ jolın ustanwşı 22 adam äkimşilik jawapkerşilikke tartılğan.

«Dästürli emes dinï birlestikterdiñ jetekşileri men sïınwşıları tarapınan «Dinï senim bostandığı jäne dinï birlestikter twralı» zañnıñ talaptarın buzğan 27 fakti anıqtaldı. Radïkaldıq dinï ïdeyalar men dästürli emes dinï birlestikterdiñ nanım-senimin nasïxattaytın materïaldar tärkilendi. Musılmandar dinï basqarmasımen birlesip jïxad ïdeyasına senetin dinge tabınwşılar arasında atalmış ïdeyağa qarsı ügit-nasïxat jumıstarı jürgizilwde», dedi mïnïstr.

Mädenïetter men dinderdiñ xalıqaralıq ortalığın ağımdağı jıldıñ üşinşi toqsanında aşw josparlanıp otır. Bul twralı Ükimet otırısında Ädilet mïnïstri Zağïpa Balïva mälim etti.

«Elbasınıñ älemdik jäne dästürli din basılarınıñ ekinşi sezi kezinde bergen tapsırmasına säykes, tayaw waqıtta Mädenïetter men dinderdiñ xalıqaralıq ortalığın aşw bağıtında jumıstar jürgiziledi. Qazirgi tañda atalmış ortalıqtı qurw twralı Ükimet qawlısınıñ jobası äzirlenip, kelisw üşin memlekettik organdarğa jiberildi», dedi Ükimet otırısında Z. Bälïeva.

«Prezïdent Äkimşiligi ortalıqtıñ aşılw merzimin üşinşi toqsanğa belgilep otır. Meniñ oyımşa, barlıq mäseleler der kezinde
şeşiledi», dep qostı mïnïstr.Onıñ aytwınşa, Mädenïetter men dinderdiñ xalıqaralıq ortalığın qarjılandırw men onıñ ştattıq quramı büginde şeşimin tapqan. Osı künderi ortalıqqa joğarı bilikti kadrlardı iriktew jumıstarı jürgizilwde.

Oñtüstik öñirlerde bïıl jılıtw mawsımına dayındıq ötken jılğığa qarağanda joğarı qarqınmen jürgizilwde. Bul twralı Ükimet otırısında vïce-premer Ömirzaq Şökeev mälim etti.

Premer-Mïnïstrdiñ tapsırması boyınşa, Şımkent, Taraz, Semey, Almatı jäne Qızılorda qalalarında bolıp, jılw berw mawsımına dayındıq barısımen tanısqandığın jetkizgen Ö. Şökeev: «Däl osı qalalarda qısqı kezeñde jılw berwge baylanıstı mäseleler twındap jatadı. Bulardıñ qısqa dayındığı jayında aytsam, jergilikti jerlerde jöndew jumıstarınıñ jäne otın dayındawdıñ barlıq kestelerimen tanıstım, tarïftik mäselelerdi, jılw közderindegi qural-jabdıqtardı jöndew mäselelerin talqıladıq. Tutastay alğanda, atalğan qalalarda jılıtw mawsımına dayındıq ötken jıldağımen salıstırğanda barınşa joğarı qarqınmen jürgizilwde», dedi.

Onıñ aytwınşa, bul qalalardağı jılw közderi men jılıtw trassalarındağı jöndew jumıstarı şamamen 50 - 60 payız aralığında. Qazirgi waqıtta bul - aytarlıqtay joğarı qarqın.

«Barlıq öñirler üşin ortaq mäsele - kömir dayındaw. Öytkeni küzge taman kömir qımbattaydı. Buğan qosımşa jïın-terin nawqanında vagon tapşılığı twındaydı. Sondıqtan Energetïka jäne mïneraldıq reswrstar mïnïstrligi äkimdermen birlesip atalmış öñirlerge kömir jetkizwdiñ naqtı kestesin jasadı», dedi Ö. Şökeev.
Ükimet basşısınıñ orınbasarı keybir öñirlerde, atap aytqanda Aqmola, Almatı, Batıs Qazaqstan oblıstarında kömir dayındaw
mäselesi äli keşewildep jatqanın da aytıp ötti.

Şildeniñ 29-ında ötken Ükimettiñ otırısında QR Sırtqı İster mïnïstrligi «Ewropağa jol» bağdarlamasınıñ jobasın tanıstırdı.
Bağdarlama Elbasınıñ Qazaqstan xalqına arnağan bïılğı Joldawında berilgen tapsırmağa säykes äzirlenip otır. QR Sırtqı ister mïnïstriniñ orınbasarı Räpil Joşıbaevtıñ aytwınşa, bağdarlanı äzirlew qajettiligi elimizdiñ işki damwındağı mañızdı mäselelerdi şeşwmen, ewropalıq bağıttağı ulttıq basımdıqtardı dayındawmen, tarïxï qalıptasqan baylanıstardı nığaytwmen, ıqpaldaswdıñ ewropalıq täjirïbesine qosılwmen, Qazaqstannıñ Ewropa elderimen texnologïyalıq, energetïkalıq, köliktik, sawda-ekonomïkalıq ıntımaqtastığın damıtwımen tüsindiriledi.

«Qazaqstannıñ sırtqı sayasat koncepcïyasına säykes, Ewropa memleketerimen jan-jaqtı ıntımaqtastıqtı damıtw elimiz üşin strategïyalıq jağınan mañızdı. Budan bölek, Ewropalıq odaqtıñ Ortalıq Azïya elderimen, onıñ işinde Qazaqstanmen ıntımaqtastıqqa ayrıqşa nazar awdarıp otırğanın atap aytqan jön», dedi ol.

Bağdarlama Qazaqstannnıñ sırtqı sayasatınıñ "Qazaqstan-2030" Strategïyasınıñ bastı qağïdattarı negizinde jüzege asırılatın boladı. Vïce-mïnïstrdiñ aytwınşa, bağdarmanıñ maqsatı – Qazaqstandı Ewropanıñ jetekşi elderimen strategïyalıq äriptestik deñgeyine köterw.
«Bul bağıtta birinşi qadam jasaldı. Elbası N. Nazarbaevtıñ Parïjge saparı ayasında N. Sarkozïmen Qazaqstan men Francïya
arasındağı Strategïyalıq äriptestik twralı şartqa qol qoyıldı», dedi R. Joşıbaev. Ol bağdarlamanı jüzege asırwğa qajetti qarajat 2009-2011 jıldarğa arnalğan respwblïkalıq byudjette qarastırılatın atap ötti.

QazAqparat