Premer-Mïnïstr Kärim Mäsimov QR Qarjı mïnïstrligi Salıq komïtetiniñ Astana qalası boyınşa Salıq departamentinde bolıp,salıq organdarınıñ qızmet sapasımen tanıstı

Bastı > Bölimder > Jañalıqtar > Bastı jañalıq > 2008 > Şilde > Premer-Mïnïstr Kärim Mäsimov QR Qarjı mïnïstrligi Salıq komïtetiniñ Astana qalası boyınşa Salıq departamentinde bolıp,salıq organdarınıñ qızmet sapasımen tanıstı

Premer-Mïnïstr Kärim Mäsimov QR Qarjı mïnïstrligi Salıq komïtetiniñ Astana qalası boyınşa Salıq departamentinde bolıp,salıq organdarınıñ qızmet sapasımen tanıstı

Şildeniñ 30-ında Premer-Mïnïstr Kärim Mäsimov QR Qarjı mïnïstrligi Salıq komïtetiniñ Astana qalası boyınşa Salıq departamentinde boldı. Qarjı mïnïstri Bolat Jämişev pen Salıq komïtetiniñ törağası Nurlan Raxmetov Ükimet basşısın salıq organdarınıñ qızmet sapasımen, sonday-aq olardıñ jumısın jetildirwde kezdesip qalatın birqatar problemalarmen tanıstırdı.
Astana qalasındağı Sarıarqa jäne Almatı awdandıq salıq komïtetteriniñ aldında turğan bastı problemalardıñ biri - ğïmaratınıñ tarlığı. Mäselen, Sarıarqa awdanı Salıq komïtetiniñ törağası Tınısbek Araşapovtıñ aytwınşa, awdanda salıq töleytin 280 mıñnan astam jeke tulğa, 12 mıñ zañdı tulğa jäne 16 mıñnan astam jeke käsipker tirkelgen. «Jeke käsipkerlerge 11 adam, al jeke tulğalarğa 16 adam qızmet körsetedi. Soñğı 16 adam otırğan jerdiñ jalpı awmağı 36 şarşı metr bolsa, onıñ 18 şarşı metri salıq tölewşilerge arnalğan. Esep tapsırw kezeñinde Sarıarqa awdanı boyınşa bir künde 500-den 1200 adamğa deyin keledi. YAğnï ğïmaratqa xalıq sïmay ketedi. Bizdiñ ğïmarat bügingi zamannıñ talaptarına säykes kelmeydi. Xalıqqa sapalı qızmet körsetw üşin ğïmaratımızdı qaytadan jabdıqtağımız keledi. Ol üşin qosımşa qarjı qajet. Ükimet basşısına osı mäsele jetkizildi», dedi T. Araşapov. «Biz salıq organdarınıñ xalıqqa körsetip jatqan qızmetiniñ sapasına qatıstı turaqtı monïtorïng jürgizip turamız. Ol üşin arnayı jäşikter qoyılğan. Negizinen salıq tölewşilerdiñ jazıp qaldırğan sın pikirleriniñ 90 payızı ğïmarattıñ öte tarlığına qatıstı», dep qostı ol.

Almatı awdanı Salıq komïtetiniñ törağası Ğabdwlxamït Töleşevtiñ sözine qarağanda, mundağı jağday Sarıarqa awdanındağıdan
äldeqayda naşar. «Almatı awdanında 14 mıñnan astam zañdı tulğa, 24 mıñnan astam jeke käsipkerler tirkelgen. Eseptilik kezeñinde salıq komïtetine şamamen 40 mıñ salıq tölewşi keledi. Olardıñ ärqaysısı kem degende 2-3 esep ötkizedi. Al salıq eseptiligin qabıldaytın ortalıqtıñ awmağı - 40 şarşı meter. 20 künniñ işinde biz jañağı 40 mıñ salıq tölewşini qabıldap, qızmet körsetwimiz jäne sonımen bir mezgilde reglamentti saqtawımız qajet», deydi Ğ. Töleşev.

«Biz bul problemanı bügin ne üşin köterip otırmız? Sebebi, Qarjı mïnïstrligi Salıq komïtetiniñ strategïyalıq mindetteriniñ biri - salıq tölewşilerge sapalı qızmet körsetw. Osığan säykes Qarjı mïnïstri bekitken strategïya men sapalı qızmet körsetwdiñ reglamenti äzirlendi. Sondıqtan osı reglamentterdi orındawğa umtıla otırıp eñ aldımen xalıqqa sapalı qızmet körsetw üşin jağday jasaw qajet. Ol üşin ğïmarattar meylinşe keñ bolğanı jön», dedi Almatı awdanı Salıq komïtetiniñ törağası.

QazAqparat