Ükimette ötken selektorlıq keñeste bilim berw jäne densawlıq saqtaw mekemeleriniñ qısqı dayındıqqa äzirlik barısı, respwblïkamızdıñ bilim berw jäne densawlıq saqtaw nısandarındağı örtke qarsı qawipsizdik şaraları,turğın üy qurılısına qatıswşı üleskerler mäselesi, şağın jäne orta bïznesti qoldawğa qatıstı mäseleler talqılandı

Bastı > Bölimder > Jañalıqtar > Bastı jañalıq > 2008 > Tamız > Ükimette ötken selektorlıq keñeste bilim berw jäne densawlıq saqtaw mekemeleriniñ qısqı dayındıqqa äzirlik barısı, respwblïkamızdıñ bilim berw jäne densawlıq saqtaw nısandarındağı örtke qarsı qawipsizdik şaraları,turğın üy qurılısına qatıswşı üleskerler mäselesi, şağın jäne orta bïznesti qoldawğa qatıstı mäseleler talqılandı

Ükimette ötken selektorlıq keñeste bilim berw jäne densawlıq saqtaw mekemeleriniñ qısqı dayındıqqa äzirlik barısı, respwblïkamızdıñ bilim berw jäne densawlıq saqtaw nısandarındağı örtke qarsı qawipsizdik şaraları,turğın üy qurılısına qatıswşı üleskerler mäselesi, şağın jäne orta bïznesti qoldawğa qatıstı mäseleler talqılandı

Tamızdıñ 18-i küni Ükimette ötken selektorlıq keñeste Premer-Mïnïstr Kärim Mäsimov barlıq äkimderge bilim berw jäne densawlıq saqtaw mekemeleriniñ qısqı dayındıqqa äzirlik barısın jiti qadağalawdı tapsırdı.

Keñes barısında respwblïkamızdağı bilim berw, densawlıq saqtaw mekemeleriniñ qısqı mawsımğa äzirlik barısına oray Bilim jäne ğılım mïnïstri men Densawlıq saqtaw mïnïstriniñ orınbasarı bayandama jasadı. Jalpı, vedomstvolar basşılarınıñ mälimetterine süyensek, älewmettik nısandardıñ qısqı mawsımğa äzirlik barısı jaman emes. Degenmen de, keybir mäseleler äli de tolıq şeşimin tappay otır. Mäselen, birqatar öñirlerde bilim berw men densawlıq saqtaw mekemeleri tïisti jöndew jumıstarınan äli ötpegen bolsa, endi bir nısandarda jılıtw mawsımına oray, qajetti otındar satıp alınbağan.

Mïnïstrlerdiñ bayandamasınan keyin, Ükimet basşısı älewmettik nısandardağı qısqa dayındıq barısı äli de qanağattanğısız bolıp otırğan Atıraw, Pavlodar, Oñtüstik Qazaqstan, Şığıs Qazaqstan oblıstarınıñ äkimderine tikeley tapsırmalar jüktep, jergilikti äkimderdiñ jumısına jawaptılıqpen qarawların eskertti.

«Bilim men densawlıq nısandarınıñ qısqa dayındığı twralı talay ayttıq, äli de aytamız. Älewmettik mekemelerdiñ qısqı mawsımğa dayındıq barısı udayı nazarda bolwı tïis. Barlıq äkimder osı bağıttağı qadağalaw jumıstarın jiti atqarwı kerek. Jumısına selqos qarağan äkimder tïisti jazasın aladı», dedi K. Mäsimov.

Elbasınıñ tapsırmasına säykes, 2007-2011 jıldarı respwblïka boyınşa 245 mektep salınadı. Bul twralı Ükimette ötken selektorlıq keñeste Bilim jäne ğılım mïnïstri Janseyit Tüymebaev mälim etti.

Mïnïstrdiñ aytwınşa, respwblïka boyınşa aldağı jaña oqw jılındağı mektepterdiñ jalpı sanı 7 mıñ 725 birlikti quraydı. Bunda şamamen alğanda 2,5 mln. oqwşı bilim aladı. «Jalpı, aldağı oqw jılında bolaşağı joq awıldar men oqwşılardıñ jetispewşiligine baylanıstı 26 mektep jabıladı. Degenmen de, bunıñ ornına elimizdiñ basqa öñirlerinde 36 mektep ğïmarattarı aşılatın boladı.
Sonımen birge, mektep-ïnternattarda bilim berwdi toptastırwdı uyımdastırwğa baylanıstı özgerister bolmaydı. Elbasınıñ
tapsırmasına säykes, 2007-2011 jıldar aralığında respwblïka boyınşa 245 mektep salınadı. Eñ birinşi kezekte apattı jağdaydağı mektepterdi joyu, üş awısımmen oqıtw sekildi mäselelerdiñ şeşimi tabılatın boladı», dedi J. Tüymebaev.

Respwblïkamızdıñ bilim berw jäne densawlıq saqtaw nısandarındağı örtke qarsı qawipsizdik şaraları köñilden şıqpaydı. Ükimette ötken selektorlıq keñeste QR Tötenşe jağdaylar mïnïstri Vladïmïr Bojko osılay mälim etti.

Mïnïstrdiñ aytwınşa, ağımdağı jıldıñ alğaşqı jartıjıldığında bilim berw, densawlıq saqtaw nısandarında 47 ret ört şığıp, sonıñ saldarınan 15 mln. teñge şığın kelgen. Ağımdağı jıldıñ mamır-şilde aylarında respwblïkamızdağı barlıq bilim berw nısandarına tekserwler jürgizilip, birqatar kemşilikter anıqtalğan. «Öñirlerdegi köptegen mektepter men balabaqşalarda dabıl qaqqıştar qondırılmağan. Örtke qarsı quraldar da jetkiliksiz, eñ ökiniştisi, ört bola qalğan jağdayda aldımen qoldanılatın quraldar joq. Tekserwler barısında oqw ğïmarattarı men balabaqşalardıñ 5 mıñğa jwıq qızmetkerine ayıppuldar salındı», degen mïnïstr V. Bojko, jergilikti atqarwşı bïlik ökilderinen mektepter men balabaqşalardağı ört qawipsizdigine nazar awdarwdı suradı.

Turğın üy qurılısına qatıswşı üleskerler mäselesine baylanıstı tört jumıs tobı qurıladı. Bul twralı Ükimette ötken selektorlıq keñeste QR Premer-Mïnïstri Kärim Mäsimov mälim etti.

«Üleskerler mäselesine baylanıstı tört jumıs tobın quramız. Birinşi top Astana qalası äkiminiñ basşılığımen jumıs isteytin boladı. Ekinşi topqa Aqmola oblısınıñ äkimi jetekşilik etedi. Üşinşi toptı Almatı qalasınıñ äkimi, törtinşi toptı Almatı oblısınıñ äkimi basqaradı. Bulardıñ quramına ortalıq memlekettik organdardıñ ökilderi tartıladı. Aldanğan üleskerler men jalpı jurtşılıq bizge senim artıp otırğandıqtan, qabıldağan şeşimderimiz tolıq atqarılwı tïis», dedi Premer-Mïnïstr.

Ükimet basşısınıñ aytwınşa, vïce-premer Ömirzaq Şökeev basqaratın, budan burın qurılğan ükimettik deñgeydegi jumıs tobına atalğan tört öñirdiñ äkimderi de enetin boladı. «Bunımen qosa, ükimettik deñgeydegi jumıs tobınıñ qatarına Ïndwstrïya jäne sawda mïnïstri jäne azamattıq qoğam ökilderi de tartılwı tïis», dedi K. Mäsimov.

Şağın jäne orta bïznesti qarjılandırwdı qoldaw ekinşi deñgeyli bankter men jergilikti äkimderdiñ belsendiligine de baylanıstı. Tamızdıñ 18-inde Ükimette ötken selektorlıq keñeste vïce-premer Ömirzaq Şökeev osılay mälim etti.

«Ükimet tarapınan şağın jäne orta bïznesti qarjılandırwğa jalpı alğanda şamamen 156 mlrd. bağıttaladı. Al odan keyingi kezeñdegi şarwanıñ barlığı ekinşi deñgeyli bankterdiñ belsendiligine, jergilikti äkimderdiñ jumısına baylanıstı bolıp tur. Jalpı, biz bul bankterdiñ jumısına aralaspağanımızben, byudjettik qarjılardıñ ïgerilwine, şağın bïzneske tüpkilikti jetwine, aqşanıñ jartı jolda qalıp qoymawına bir organ jawaptı bolwı tïis ekenin sezemiz. Sondıqtan bunday jawaptı organ anıqtalwı tïis», dedi vïce-premer.

Sonımen birge, bügingi küni şağın bïznesti qoldawğa qatıstı 748 joba qaralıp jatqanın jetkizgen Ö. Şökeev, oblıs äkimderi tarapınan bulardıñ tek 498-i ğana maquldanğanın aytıp ötti. «Şındığında, usınılğan jobalarğa kelgende jergilikti äkimder tek özderiniñ jobaların ötkizgisi kelip, keri tartıp otır. Mäselen, Aqtöbe oblısı 242 jobanı qarap, onıñ 192-sin maquldadı. Al Soltüstik Qazaqstan oblısı 115 jobanı qarap, 95-in maquldadı. Şığıs Qazaqstan oblısı 748 jobanıñ tek 4-ewin ğana qarap şıqsa, Atıraw, Batıs Qazaqstan oblıstarı jobanı müldem qarastırmağan. Sondıqtan äkimderge bul mäselege oñ közqaraspen qarawın suraymın», dedi Ö. Şökeev.

Şağın jäne orta bïznesti damıtw bağdarlaması boyınşa qosımşa 29,5 mlrd. teñgeniñ kredïttik kelisimine qol qoyıladı dep kütilwde. Ükimette ötken selektorlıq keñeste Ïndwstrïya jäne sawda mïnïstri Vladïmïr Şkolnïk osılay mälim etti.

Mïnïstrdiñ aytwına qarağanda, bügingi küni Ükimet pen qarjı mïnïstrligi tarapınan «Qazına» ornıqtı damw qorınıñ şağın jäne orta bïznesti damıtw böligine 50 mlrd. teñge köleminde qarjılandırwdı qamtamasız etti. Sonımen birge, atalğan soma boyınşa şağın jäne orta bïznesti qarjılandırw bağdarlamasına qatısw üşin respwblïkamızdağı 9 qarjılıq uyım kelisim berse, bul bağdarlamadan eki bank, atap aytqanda «Kazkommercbank» pen «Xalıq banki» bas tartqan.

«Bügin bankter arasında qosımşa 29,5 mlrd. teñgeniñ kredïttik kelisimine qol qoyılmaq. Qazirgi tañda äkimdikter men «Qazına» ornıqtı damw qorınıñ arasında şamamen 16 mlrd. teñgeni ïgerw şaraları äzirlenwde. Osımen qosa, şağın jäne orta bïznesti qarjılandırw üşin «Qazına» qorınan ekinşi deñgeyli bankterge 6 mlrd. 450 mln. teñge awdarılğan», dedi V. Şkolnïk.

QazAqparat