Ükimet mäjilisinde QR Byudjet jäne Salıq kodeksteriniñ jobası, olardı engizwge qatıstı zañnamalıq aktiler jäne «2009-2011 jıldarğa arnalğan Respwblïkalıq byudjet twralı» QR Zañ jobası talqılandı

Bastı > Bölimder > Jañalıqtar > Bastı jañalıq > 2008 > Tamız > Ükimet mäjilisinde QR Byudjet jäne Salıq kodeksteriniñ jobası, olardı engizwge qatıstı zañnamalıq aktiler jäne «2009-2011 jıldarğa arnalğan Respwblïkalıq byudjet twralı» QR Zañ jobası talqılandı

Ükimet mäjilisinde QR Byudjet jäne Salıq kodeksteriniñ jobası, olardı engizwge qatıstı zañnamalıq aktiler jäne «2009-2011 jıldarğa arnalğan Respwblïkalıq byudjet twralı» QR Zañ jobası talqılandı

Tamızdıñ 26-sı küni Ükimet üyinde ötken Ükimet mäjilisinde QR Byudjet jäne Salıq kodeksteriniñ jobası, olardı engizwge qatıstı zañnamalıq aktiler, Qazaqstan Respwblïkasınıñ 2009-2013 jıldarğa arnalğan älewmettik-ekonomïkalıq damw jäne byudjettik körsetkişter boljamdarı, sonday-aq «2009-2011 jıldarğa arnalğan Respwblïkalıq byudjet twralı» QR Zañ jobası talqılandı.

Elimizdiñ bastı qarjı qujattarın äzirlew jumıstarı Memleket basşısı Nursultan Nazarbaevtıñ bïılğı jılğı aqpandağı Qazaqstan xalqına Joldawında atap körsetilgen tapsırması boyınşa jürgizildi. Quramında müddeli organdar men bïznes-qoğamdastığınıñ ökilderi engen arnayı qurılğan jumıs tobı 7 ay boyına belsendi jumıstar jürgizdi.

Jumıs tobınıñ müşeleri turaqtı türde elimizdiñ Prezïdentine atqarılğan jumıs twralı bayandap otırdı. 2008 jılğı 23 tamızda N. Nazarbaev ötkizgen keñeste qujattardıñ jobası qaralıp, qujattardıñ jobaları boyınşa birqatar eskertwler jasalıp, naqtı tapsırmalar berildi.

QR Byudjet jäne Salıq kodeksteriniñ jobası, olardı engizwge qatıstı zañnamalıq aktiler, Qazaqstan Respwblïkasınıñ 2009-2013 jıldarğa arnalğan älewmettik-ekonomïkalıq damw jäne byudjettik körsetkişter boljamdarı, sonday-aq «2009-2011 jıldarğa arnalğan Respwblïkalıq byudjet twralı» QR Zañ jobası QR Prezïdenti aytqan atalğan sın-eskertpelerdi qayta tolıqtırdı jäne bügin Ükimet müşeleri tarapınan maquldandı.

Qujattardıñ jobasın tanıstırğan QR Ekonomïka jäne byudjettik josparlaw mïnïstri B. Sultanov Byudjet kodeksi jobasınıñ bastı ïdeyası – bul memlekettik organdar qızmetiniñ josparlawdan bastap, qarjılıq baqılaw üderisterimen ayaqtalatınday naqtı qorıtındılarğa ïe bolwğa bağıttalğanın atap ötti.

Salıq kodeksiniñ jobası ekonomïkanıñ şïkizat emes sektorındağı jalpı awırtpalıqtı tömendetw arqılı bir mezette öñdewşi sektordan tüsetin qaytarımdı arttırwdı jäne ekonomïkanıñ ärtaraptandırw men jañğırtwğa ıqpal etetin, jağday twğızatın zañnıñ tikeley is-qïmıl qağïdatın iske asırwdı qarastıradı.

B. Sultanovtıñ aytwınşa, älewmettik-ekonomïkalıq damw jäne byudjettik körsetkişter boljamdarın jasaw kezinde 2008 jılğı birinşi jartı jıldıqtıñ qorıtındıları, sonday-aq munay men metall bağası boyınşa sarapşılardıñ konservatïvti boljamdarı eskerildi. Barlıq osı körsetkişter «2009-2011 jıldarğa arnalğan Respwblïkalıq byudjet twralı» QR Zañı jobasında negizgi alındı.

Sonday-aq bügin QR Ükimetiniñ mäjilisinde «Bäsekelestik twralı» QR Zañınıñ jobası qaraldı.

Bäsekelestikti qorğaw agenttiginiñ törağası M. Esenbaev zañ jobasınıñ negizgi körsetkişteri twralı bayandadı.

Zañ jobasınıñ bastı maqsatı käsipkerlik pen bïznestiñ ïnvestïcïyalıq belsendiliginiñ artwı üşin bäsekelestikti qorğaw jäne jağday twğızw, sonday-aq monopolïstik qızmetke eskertw jasaw, josıqsız bäsekelestiktiñ jolın kesw, ekonomïka salasın demonopolïzacïyalaw, erkin bäsekelestikti jäne tutınwşılardıñ zañdı quqığın qorğawdı qamtamasız etw bolıp tabıladı.

Zañ jobasınıñ jañaşıldığı retinde käsipkerlik qızmetke memlekettiñ qatısw türi men negizgi tizbesi, monopolïyağa qarsı organnıñ tekseristerdi jürgizwden bas tarwı, bir toptağı tulğalardıñ işinde ekonomïkalıq bäsekelestikte monopolïyağa qarsı organmen kelisw talaptarın alıp tastaw tärtibi ayqındaldı. Ïnvestïcïyanıñ artwın jäne ïnnovacïyanı endirwdi ıntalandırwğa bağıttalğan birqatar normalar qarastırıldı. Sonday-aq, zañ jobası monopolïyağa qarsı jäne rettewşi organdar arasındağı ökilettikti şekteydi.

Mäjiliske qatıswşılardıñ bağalawı boyınşa, zañ jobasınıñ qabıldanwı käsipkerliktiñ damwı üşin, birinşi kezekte şağın jäne orta bïznesti damıtwğa qosımşa jağday twğızwğa mümkindik beredi, otandıq tawar öndirisiniñ artwın qamtamasız etedi, xalıqaralıq ekonomïkalıq qoğamdastıqqa qazaqstandıq ekonomïkanıñ tolıqqandı kirigwine ıqpal etedi.

Ükimet mäjilisiniñ qorıtındısı boyınşa QR «Bäsekelestik twralı» Zañ jobasın maquldaw jäne onı QR Parlamentine qarawğa joldaw twralı şeşim qabıldandı.

Premer-Mïnïstrdiñ baspasöz qızmeti