Qazaqstan Respwblïkası Ükimetiniñ keñeytilgen mäjilisinde respwblïkanıñ ağımdağı jıldıñ İ jartıjıldığındağı älewmettik ekonomïkalıq damwınıñ qorıtındısı talqılandı
Ükimet basşısı byudjettik bağdarlamalar äkimşilerin byudjettiñ orındalwınıñ jiti baqılawda ustawdı tapsırdı.
Bïılğı jıldıñ basınan beri ïnflyacïya deñgeyiniñ tömendew üderisi bayqalwda. Eger ïnflyacïya qañtar ayında 1,4 payızdı qurasa, şildede 0,2 payızğa deyin tömendedi.
«Jıl basınan bergi jalpı ïnflyacïya deñgeyi 4,4 payızdı quradı. Ekonomïkanıñ naqtı sektorınıñ öswi körinisinde ekinşi deñgeyli bankterde depozït bazası keñeydi, sonday-aq ekonomïkanı nesïelew köleminiñ bayawlap qalpına kelwi bastaldı», - dedi jartıjıldıqtıñ qorıtındısına arnalğan Ükimet otırısında Ekonomïkalıq damw jäne sawda mïnïstri Janar Aytjanova.
«2010 jıldıñ birinşi jartıjıldığına eldiñ xalıqaralıq qorlarınıñ kölemi 5,7 mlrd. AQŞ dollarına ösip, 53,1 mlrd. AQŞ dolların quradı. Sonıñ işinde ulttıq qordıñ aktïvteriniñ kölemi 26,5 mlrd. AQŞ dollarına jetti», - dedi mïnïstr.
«Üstimizdegi birinşi jartıjıldıqtıñ qorıtındıları Qazaqstan ekonomïkasınıñ jäne älewmettik damwdıñ ösw traektorïyasına şıqqanın aytwğa mümkindik beredi. Esepti kezeñde jalpı işki önimniñ öswi 8 payız deñgeyinde bağalanıp otır. Bul bağalaw körsetkişi qısqa merzimdi ekonomïkalıq ïndekatordıñ özgerw dïnamïkası negizinde jürgizildi»,- dedi mïnïstr.
Onıñ sözine qarağanda, bul ïndekator ekonomïkanıñ bastı altı salasındağı, yağnï önerkäsip, awıl şarwaşılığı, kölik, sawda, baylanıs jäne qurılıs salalarındağı naqtı ösw qarqınınan esepteldi. Birinşi jartıjıldıqta bul ïndekator 8,8 payızğa östi.
«Ösimge bıltırğı jılğı ekonomïkalıq körsetkişterdiñ tömengi deñgeyde bolğanı da sebep bolıp otır. Ötken jıldıñ birinşi toqsanında jalpı işki önim 2,4 payızğa, al qısqa merzimdi ekonomïkalıq ïndekator 4,1 payızğa tömendegen bolatın», - dep atap ötti J.Aytjanova.
Söz soñında ol ekonomïkanıñ qalpına kelwine Ükimet qabıldağan dağdarıstı eñserw bağdarlaması ayasındağı jäne dağdarıstan keyingi damw bazasın qurwğa bağıttalğan şaralar aytarlıqtay üles qosqanın eskerip ötti.
Önerkäsip öndirisi birinşi jartıjıldıqta ötken jıldıñ osı kezeñimen salıstırğanda 11 payızğa östi.
«2009 jıldıñ birinşi jartıjıldığında ösim 1,8 payızdı qurağan bolatın. Ekonomïkalıq sapalı alğa jıljwdıñ bastı körsetkişi öñdew önerkäsibi öndirisiniñ ösimi bolıp tabıladı. Bul ösim körsetkişi 18,3 payızdı, al ken öndirw önerkäsibi ösiminiñ qarqını 6,3 payızdı quradı», - dedi Ükimet otırısında Ekonomïkalıq damw jäne sawda mïnïstri Janar Aytjanova.
Elimizde maşïna jasaw sapalı deñgeyde damwda, mundağı öndiris köleminiñ ösimi birinşi jartıjıldıqta 67,8 payızdı quradı. Xïmïya önerkäsibinde qosımşa öndiristiñ artwı 67,5 payızğa jetti. Sonımen qatar, jartı jılda mal şarwaşılığı körsetkişteriniñ 3,3 payızğa artwına baylanıstı, awıl şarwaşılıq önim öndirisi 3,1 payızğa joğarladı.
«Esep berip otırğan kezeñde negizgi kapïtalğa salınğan ïnvestïcïyalar kölemi 2009 jılğı deñgeyden 4,8 payızğa tömen boldı. Buğan şetel ïnvstorları men nesïege alınğan qarajattar esebinen jüzege asırılatın ïnvestïcïyalar köleminiñ qısqarwı sebep boldı», - dep atap ötti mïnïstr.
Osığan baylanıstı J.Aytjanova şetel ïnvestïcïyalarınıñ ülesi 2009 jılı 42,6 payızdan 27,6 payızğa, sonday-aq nesïege alınğan qarjılar 9,8 payızdan 7,4 payızğa deyin tömendegenin atap ötti.
«Ïnvestïcïyalar kölemi öñdew önerkäsibi, sawda, kölik, qoyma, qarjı jäne saqtandırwda ötken jıldıñ birinşi jartısımen salıstırğanda tömen boldı. Öz kezeñinde jalpı ïnvestïcïya quramında käsiporındarınıñ öz qarajattarınıñ ülesi artıp, 45 payızğa jetti. Esepti kezeñde ïnvestïcïyalardıñ awıl şarwaşılığında 40,2 payızğa, önerkäsipte 27,7 payızğa, qurılısta 39,8 payızğa, elektrenergïyası salasında 54,8 payızğa öswi bayqaldı», - dedi vedomstvo basşısı.
Jartıjıldıqtıñ qorıtındısına arnalğan Ükimet otırısında QR Qarjı mïnïstri Bolat Jämişev 2010 jıldıñ birinşi jartısında memlekettik byudjetke 2036,7 mlrd. teñge nemese eseptik kezeñdegi tölem boyınşa jospardıñ 93,7 payızı tüskendiginen xabardar etti.
Sonday-aq mïnïstr şığıstar 2241,3 mlrd. teñgeni nemese eseptik kezeñ josparınıñ 93,4 payızın qurağandığın atap ötti. Al bul aralıqtağı byudjet tapşılığı 204,5 mlrd. teñge köleminde bolıp otır.
«Byudjet qarajatınıñ bos qaldıqtarı eseptik keziñniñ soñında 14,4 mlrd. teñgeni quradı», - dedi Qarjı mïnïstri.
Ağımdağı jıldıñ birinşi jartıjıldığındağı kirister ötken jıldıñ osı kezeñimen salıstırğanda 19,6 payızğa ulğayıp, 2034,7 mlrd. teñge somasına jetip otır. Bul orayda mïnïstr kiris böliginiñ qalıptasw negizi İÖT-na salınatın KTS, QQS, kedendik tölemder men salıqtar bolıp qalatının basa ayttı. Salıq tüsimderiniñ 1081,4 mlrd. teñgege nemese 106,7 payız jïnalğanın aytqan Jämişev «Ötken jıldıñ tïisti kezeñimen salıstırğanda ol 23,7 mlrd. teñgege ulğaydı», - dedi.
2010 jıldıñ birinşi jartısında korporatïvtik tabıs salığı 101,3 payızğa orındaldı. Jospardıñ asıra orındalwı birjolğı tüsimderge jäne avanstıq tölemderdiñ ulaywına baylanıstı qalıptasqan. Sonday-aq qosılğan qun salığı 303,1 mlrd. teñge köleminde, onıñ işinde işki öndiris tawarlarına salınatın QQS 139,7 payızğa atqarılğandığın aytqan mïnïstr «asıra orındaw Almatı, Astana qalaları men Pavlodar oblısı boyınşa iri tüsimder esebinen qalıptastı», - dedi Qarjı mïnïstri.
Ükimet otırısında söz alğan Eñbek jäne xalıqtı älewmettik qorğaw mïnïstri Gülşara Äbdiqalıqova eñbek narığındağı belsendi şaralardı iske asırw jumıssızdıq awqımın qısqartwğa jol aştı dep atap ötti. Mïnïstrdiñ keltirgen derekterine qarağanda, ağımdağı jıldıñ basında jumıssızdar sanı 524 mıñ adam, jumıssızdıq deñgeyi 6,3 payız bolsa, jıldıñ ekinşi toqsanında jumıssızdardıñ sanı 504 mıñ adamğa deyin, jumıssızdıq deñgeyi 5,8 payızğa deyin qısqartılğan.
«Jumıssızdıqtı tömendetw tïisinşe ekonomïkamen aynalısatındardıñ qatarınıñ öswimen sïpattaladı. Ötken jıldıñ osı kezeñimen salıstırğanda ağımdağı jıldıñ ekinşi toqsanında jumıspen qamtılğan xalıqtıñ sanı 213 mıñ adamğa köbeyip, 8,1 mïllïon adamdı quradı», - dedi G.Äbdiqalıqova.
Mïnïstrdiñ sözine qarağanda, jıl basınan beri jumıspen qamtw organdarına jumısqa ornalaswğa 260 mıñ adam ötiniş bildirse, onıñ işinde törtten üş böligi, yağnï 196 mıñı jumısqa ornalastırılğan.
Ağımdağı jılğı säwrdiñ 1-inen bastap byudjet salası qızmetkerleriniñ jalaqısın eseptew üşin qoldanılatın bazalıq lawazamdıq jalaqınıñ mölşerin 10890 teñgeden 13613 teñgege arttırw arqılı byudjet salası qızmetkerleriniñ jalaqısı 25 payızğa arttırılğanın atap ötken G.Äbdiqalıqova «bul üşin 1,4 mïllïon byudjet salasınıñ qızmetkerlerine memlekettik byudjetten qosımşa 53,8 mlrd. teñge bölindi», - dedi.
Seysenbi küngi Ükimet otırısında Awıl şarwaşılığı mïnïstri Aqılbek Kürişbaev elimizdiñ batıs öñirlerindegi qurğaqşılıq saldarınıñ aldın alw üşin soltüstik aymaqtardan 400 mıñ tonna astıq tasımaldanadı dep mälimdedi.«Ötken apatada osı mäsele boyınşa arnayı komïssïyanıñ otırısı ötti. Osığan baylanıstı soltüstik aymaqtardan elimizdiñ batıs oblıstarına 400 mıñ tonna astıq jetkiziletin boladı. Osı arqılı biz tolıqtay batıs aymaqtardı astıqpen qamtamasız etemiz», - dep atap ötti mïnïstr.
Onıñ sözine qarağanda, bul mäsele boyınşa arnayı qawlı dayındalğan.
«Ekinşiden, qurğaqşılıqtan zardap şekken awıl şarwaşılıq tawarların öndirwşileriniñ qarızdarınıñ merzimin uzartw mäselesi qarastırılıp otır. Bul jumıspen qazir «QazAgro» aynalıswda. Atap aytqanda, ärbir şarwaşılıqpen jeke-jeke jumıs atqarılatın boladı», - dedi A.Kürişbaev.
Sonday-aq onıñ sözine qarağanda, mal şarwaşılıq salasında turaqtılıq saqtaw turğısında, äsirese, maldıñ analıq basın tömendetpew üşin Ükimettiñ rezervinen qarajat bölw qajet.
«Oğan qosımşa azıq-tülik korporacïyası batıs öñirlerde arnayı tuqım qorın dayarlap jatır. Bul şaralardıñ barlığın iske asırw qurğaqşılıq saldarın tömendetwge bağıttalıp otır», - dedi vedomstvo basşısı.
Aldağı Ükimet otırısında bïılğı ekinşi jartıjıldıqtıñ maqsat-mindetteri men 2010 jılğı byudjettiñ naqtılanğan aldın ala jobası qarastırıladı. Bul twralı bïılğı birinşi jartıjıldıqtıñ qorıtındısına arnalğan otırısında Premer-Mïnïstr Kärim Mäsimov mälim etti.
«Jalpı jartıjıldıq boyınşa nätïjeler jaman emes. Atap aytqanda, Elbasınıñ tapsırmaları orındalıp keledi. Alayda ömir jalğaswda. Biz qol jetkizgen nätïjelerdi tömendetpewimiz kerek. Alda kelesi altı aydıñ maqsat-mindetteri tur», - dedi K.Mäsimov.
Premer-Mïnïstr tamızdıñ orta kezindegi kelesi Ükimet otırısında bïılğı ekinşi jartıjıldıqtıñ maqsattarı men 2010 jıldıñ byudjetiniñ naqtılanwı mümkin jobasın qarastırw josparlanıp otırğandığın aytıp ötti. Sonımen qatar, Ükimet basşısı alda birqatar mindetter turğanın jetkizdi. Bul Qazaqstanda ötetin EQIU sammïti, aldağı Azïada, jıl soñındağı Ïndwstrïyaldıq-ïnnovacïyalıq bağdarlamanıñ ekinşi jartısı boyınşa atqarılatın jumıstar, ekinşi jartıjıldıqtağı Jol kartası, «2020 Bïznestiñ jol kartası» mindetteri, sonday-aq bilim berw, densawlıq saqtaw jäne eñbekpen qamtw bağdarlamaların qabıldaw mäseleleri turğanına toqtaldı. Munımen qosa, Ükimet basşısı byudjettik bağdarlamalar äkimşilerin byudjettiñ orındalwınıñ jiti baqılawda bolwına nazar awdarwdı jüktedi.
«Biz osı aptada bul mäseleni talqılaymız. Osığan qosa, byudjettiñ ïgerilmewin naqtılap qarap şığıñızdar. Sebebi, byudjettik reswrstardıñ orındalmawı - ädiletsiz», - dep qadap ayttı K.Mäsimov.
QazAqparat
Qujattar
- Premer-Mïnïstrdiñ jäne Ükimet müşeleriniñ söylegen sözderi, jarïyalanımdarı
- Qazaqstan Respwblïkasınıñ Zañ kesimderi jäne Prezïdentiniñ aktileri
- Qazaqstan Respwblïkası Ükimetiniñ qawlıları jäne Premer-Mïnïstrdiñ ökimderi
- Qazaqstan Respwblïkası Joğarğı Sotınıñ normatïvtik qawlıları
- Ükimettiñ bağdarlamaları
- Baspasöz xabarlamaları
Reswrstar
- QR Ükimetiniñ, QR Ulttıq Bankiniñ jäne QR Qarjı narığın jäne qarjı uyımdarın rettew men qadağalaw agenttiginiñ Ekonomïkanı jäne qarjı jüyesin turaqtandırw jönindegi 2009 – 2010 jıldarğa arnalğan birlesken is-qïmıl josparın iske asırw jönindegi is-şaralar josparı
- Qazaqstan Respwblïkası memlekettik organdarınıñ WEB - saytı
- Fotoalbom
- BAQ-tarğa arnalğan foto
- Qazaqstan Respwblïkası jergilikti organdarınıñ WEB - saytı
- Qazaqstannıñ buqaralıq aqparat quraldarı
- Qazaqstan Respwblïkası memlekettik organdarınıñ resmï elektrondıq meken-jaylarınıñ anıqtağışı
- Qazaqstan Respwblïkasınıñ strategïyalıq ïnïcïatïvaları
Murağat
| ds | cc | sr | bs | jm | sn | jk |
|---|---|---|---|---|---|---|
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 |
