Premer-Mïnïstr Parlament Mäjilisiniñ Törağasına üşjıldıq byudjettiñ, Byudjet kodeksiniñ jäne Salıq kodeksiniñ jobasın tapsırdı

Bastı > Bölimder > Jañalıqtar > Jañalıqtar (Premer-Mïnïstr) > 2008 > Tamız > Premer-Mïnïstr Parlament Mäjilisiniñ Törağasına üşjıldıq byudjettiñ, Byudjet kodeksiniñ jäne Salıq kodeksiniñ jobasın tapsırdı

Premer-Mïnïstr Parlament Mäjilisiniñ Törağasına üşjıldıq byudjettiñ, Byudjet kodeksiniñ jäne Salıq kodeksiniñ jobasın tapsırdı

Tamızdıñ 27-sinde QR Parlamenti Mäjilisiniñ Törağası Aslan Mwsïn men QR Premer-Mïnïstri Kärim Mäsimovtiñ kezdeswinde Ükimet basşısı spïkerge üşjıldıq byudjettiñ, Byudjet kodeksiniñ jäne Salıq kodeksiniñ jobasın tapsırdı.

«Memleket basşısı bïılğı Joldawında elimizdiñ odan äri älewmettik-ekonomïkalıq damwı üşin mañızdı birqatar zañ jobaların äzirlewdi tapsırğan bolatın. Osığan oray, alğaş ret üş jıldıq byudjet jobası äzirlenip otır. 2009-2011 jıldarğa arnalğan bul byudjette Elbası jüktegen mindetter men «Nur Otan» partïyasınıñ alğa qoyğan tapsırmaları tügel körinis taptı. Bular barlıq älewmettik mindettemeler men ïnfraqurılımdıq nısandarğa qatıstı şaralar bolıp tabıladı», dedi K. Mäsimov.

Sonımen birge, üşjıldıq byudjet jobasınıñ Parlamentke resmï türde joldanılatının aytqan Ükimet basşısı, respwblïkalıq byudjettiñ boljamdıq parametrleri twralı aqparat usındı.

«Elimiz üşin tağı bir mañızdı qujat - jaña Byudjet kodeksiniñ jobası. Munda älemdik täjirïbeler eskerile otırıp, nätïjelilikke bağıttalğan byudjet qurw, üşjıldıq byudjet qalıptastırw maqsatı közdelgen. Byudjet kodeksimen qosa, biz barlıq memlekettik organdardıñ strategïyalıq josparların beretin bolamız. Sonımen birge, Elbasınıñ jaña Salıq kodeksiniñ jobasın äzirlewdi jüktegeni mälim. Bul tapsırma da orındaldı. Keşe osı üş jobanı Ükimet müşeleri maquldadı. Endi bul qujattar belgilengen merzim işinde Parlamentke usınıladı», degen Ükimet basşısı Salıq kodeksi jobasında qamtılğan jañalıqtarımen de tanıstırıp ötti.

Ükimet jaña Salıq kodeksimen qosa bäsekelestikti damıtw twralı zañ jobasın da maquldadı. Bul qujat aldağı waqıtta Parlamentke tüsedi. QR Parlamenti Mäjilisiniñ Törağası Aslan Mwsïnmen kezdeswi barısında QR Premer-mïnïstri Kärim Mäsimov osılay mälim etti.

Ükimet basşısı Salıq kodeksi jobasında birqatar jañalıqtar orın alğandığın xabarladı. «Birinşiden, jobada şïkizattıq sektorğa salıq jüktemesin arttırw közdeledi. Bizdiñ oyımızşa, memleketke tïesili şïkizattıq arenda böligi byudjet müddesine ädiletti türde bölinwge tïis. Sonımen birge, Elbası tapsırmasına säykes, şïkizattıq emes käsiporındarğa salıq salw azaytılatın boladı. Bul bağıtta käsiporındardıñ odan äri damwı üşin salıqtıq jeñildikter jasalıp, olarğa qarajattıñ jetkilikti qalwı qamtıldı. Sonday-aq qujatta käsipkerlikti odan äri damıtwğa bağıttalğan şaralar da qarastırılıp otır», dedi K. Mäsimov.

Premer-Mïnïstr Ükimettiñ seysenbi küngi otırısında Salıq kodeksi jobasınan basqa bäsekelestik twralı zañ jobası da maquldanğandığın aytıp ötti. «Bul qujat ta jaña Salıq kodeksimen tığız baylanıstı. Öytkeni, jeke sektordağı käsipkerlikti damıtw şaraların tolıqqandı bäsekelestiksiz jürgizw mümkin emes. Osığan oray, bizdiñ burınğı jıldarda jïnaqtağan täjirïbelerimiz zañ jobasında körinis tawıp otır», dedi K. Mäsimov.

Ükimet basşısınıñ aytwınşa, Parlamentke negizgi zañ jobalarınan basqa birqatar qujattar toptaması usınılatın boladı.

Ükimet äzirlegen, byudjet pen salıqqa qatıstı qujattar elimizdiñ aldağı tağdırın ayqındaytın boladı. QR Parlamenti Mäjilisiniñ Törağası Aslan Mwsïn QR Premer-Mïnïstri Kärim Mäsimovpen bolğan kezdeswinde osılay mälim etti.

Mäjilis Törağası Ükimet basşısına Parlament sessïyasınıñ bastalar tusında aldağı awqımdı jumıstar twralı aqparat bergeni üşin alğıs ayttı. «Bügingi küni Parlament Mäjilisinde memlekettik organdar men Ükimet tarapınan engizilgen 90-ğa jwıq zañ jobası jatır. Onıñ işinde eki zañ jobası QR Prezïdentiniñ bastamaşılığımen usınılğan. Sondıqtan depwtattardı aldağı sessïya waqıtında qızw jumıstar kütip tur», dedi A. Mwsïn.

Mäjilis Törağası kezdesw barısında byudjet, salıq mäseleleri qamtılğan zañ jobalarınıñ mañızına toqtala kele, «bul qujattardıñ elimizdiñ aldağı tağdırın ayqındaytının» atap ötti. «Osı waqıtqa deyin Parlament pen Ükimet tığız jumıs istedi. Äsirese, ötken sessïyada biz el damwına serpin beretin jäne ekonomïkanı basqarwda mañızdı qujattar toptamasın qabıldadıq. Meniñ oyımşa, aldağı
sessïya da osınday qarqında ötedi. Depwtattar Ükimetpen, memlekettik organdarmen tığız baylanısta jumıs istewge äzir», dedi A. Mwsïn.

QazAqparat