"Memlekettik statïstïka twralı" Qazaqstan Respwblïkasınıñ Zañı

"Memlekettik statïstïka twralı" 1997 jılğı 7 mamırdağı N 98-İ Qazaqstan Respwblïkasınıñ Zañı

(2001 jılğı 30 qañtardağı N 154-İİ; 2002 jılğı 15 qañtardağı N 280-İİ; 2002 jılğı 9-tamızdağı N 346-II Qazaqstan Respwblïkasınıñ Zañımen engizilgen özgertwlermen jäne tolıqtırwlarmen)

Osı Zañ statïstïka qızmeti salasındağı quqıqtıq qatınastardı retteydi, wäkiletti organnıñ jäne statïstïka qızmetin jürgizwşi memlekettik organdardıñ ökilettigi men mindetterin ayqındaydı.
1- taraw. JALPI EREJELER
1-bap. Osı Zañnıñ qoldanılw ayası
Osı Zañnıñ küşi jeke tulğalarğa, sonday-aq Qazaqstan Respwblïkasınıñ zañdı tulğalarına, öz qızmetin Qazaqstan Respwblïkasınıñ awmağında jüzege asıratın zañdı tulğalardıñ-rezïdent emesterdiñ fïlïaldarı men ökildikterine (budan äri - zañdı tulğalar) qoldanıladı.
Osı Zañ Qazaqstan Respwblïkasınıñ ekonomïkalıq, älewmettik, demografïyalıq jäne ekologïyalıq (budan äri - älewmettik- ekonomïkalıq) salalarında bolıp jatqan qubılıstar men procester twralı statïstïkalıq derekter jïnawdıñ, öñdewdiñ jäne taratwdıñ negizgi prïncïpterin ayqındaydı.
2-bap. Osı Zañda paydalanılatın negizgi uğımdar
Osı Zañda mınaday negizgi uğımdar paydalanıladı:
vedomstvolıq statïstïkalıq bayqawlar - Qazaqstan Respwblïkasınıñ memlekettik organdarı jürgizetin bayqawlar;
memlekettik statïstïka - memlekettik statïstïka organdarı qalıptastıratın birıñğay statïstïkalıq aqparat jüyesi;
memlekettik statïstïkalıq eseptilik - jalpımemlekettik jäne vedomstvolıq statïstïkalıq bayqawlar, bul orayda jeke tulğalar, zañdı tulğalar jäne olardıñ qurılımdıq bölimşeleri xabarlanatın mälimetterdiñ berilwi men durıstığına jawaptı adamdar qol qoyğan esepterdi memlekettik statïstïka organdarına Qazaqstan Respwblïkasınıñ zañdarında belgilengen tärtippen usınadı;
statïstïkalıq bayqaw - älewmettik-ekonomïkalıq ömirdiñ qubılıstarı men procesteri twralı derekterdi aldın ala äzirlengen baädarlama boyınşa tirkew arqılı josparlı türde, ğılımï uyımdastırıp jïnaw. Memlekettik statïstïkalıq bayqawlar jalpımemlekettik jäne vedomstvolıq statïstïkalıq bayqawlardan turadı;
jalpımemlekettik statïstïkalıq bayqawlar - wäkiletti organ jürgizetin bayqawlar;
bastapqı statïstïkalıq aqparat - statïstïkalıq bayqaw jürgizilgen kezde memlekettik statïstïka organdarına statïstïkalıq maqsattarda paydalanw üşin tabıs etilgen naqtı jeke tulğa, zañdı tulğa jäne onıñ qurılımdıq bölimşesi twralı derekter;
statïstïkalıq jumıstar josparı - Memlekettik statïs-tïkanı jetildirw bağdarlaması negizinde äzirlenip, wäkiletti organ uyımdastıratın memlekettik statïstïkalıq bayqawlar men basqa da statïstïkalıq jumıstardıñ tolıq tizbesi;
statïstïkalıq bayqaw baädarlamacı - bayqaw jürgizwdiñ maqsatı men mindetteri, derekter jïnaw jüzege asırılatın körsetkişterdiñ (suraqtardıñ) tizbesi, nısan, suraqtama, sawaldama, sanaq parağı, esepke alw mörqağazı jäne basqa (budan äri - statïstïkalıq nısandar) türinde usınılğan, olardı eseptep şığarwdıñ ädistemesi jäne statïstïkalıq bayqaw jürgizw jönindegi nusqawlıqtar;
taratw - qupïya bolıp tabılmaytın statïstïkalıq aqparattı paydalanwşılardıñ, osı aqparattı paydalanw nısandarı men quraldarına qaramastan, oğan qol jetkizwin qamtamasız etw;
arnayı uyımdastırılğan statïstïkalıq bayqawlar - jalpımemlekettik jäne vedomstvolıq statïstïkalıq bayqawlar, bul rette bastapqı statïstïkalıq aqparattı jïnaw esepter negizinde emes, basqa täsildermen jüzege asırıladı. Bastapqı statïstïkalıq aqparattı jïnaw täsili boyınşa sawaldamalıq, deklaracïyalıq, korrespondenttik jäne ïnspekcïyalıq bayqawlar, esepke alw jäne sanaq jürgizw bolıp bölinedi;
statïstïkalıq qızmet - qoğamdağı buqaralıq sïpatı bar qubılıstardıñ sandıq derekterin statïstïkalıq standarttar negizinde jïnawğa, öñdewge jäne taratwğa baylanıstı qızmet;
memlekettik statïstïkalıq bayqawlardıñ tïpteri - memlekettik statïstïkalıq eseptilik jäne arnayı uyımdastırılğan statïstïkalıq bayqawlar;
wäkiletti organ - memlekettik statïstïkağa basşılıqtı jüzege asıratın, ökilettigi Qazaqstan Respwblïkasınıñ zañdarımen ayqındalatın ortalıq atqarwşı organ.
3-bap. Qazaqstan Respwblïkasınıñ statïstïka salasındağı memlekettik sayasatı
Qazaqstan Respwblïkasınıñ statïstïka salasındağı memlekettik sayasatı ğılımï ädisteme jäne xalıqaralıq standarttar negizinde birıñğay statïstïkalıq aqparattıq jüyeniñ qurılwına, jumıs istewine jäne jetildirilwine bağıttalğan.
Birıñğay statïstïkalıq aqparattıq jüye barlıq jeke jäne zañdı tulğalardıñ respwblïkanıñ älewmettik-ekonomïkalıq damwınıñ jay-küyi men tendencïyaların sïpattaytın statïstïkalıq derekterge degen qajettilikterin qanağattandırwğa tïis.
Qazaqstan Respwblïkasınıñ statïstïka salasındağı memlekettik sayasatı ädisnamalıq tutastıq jäne ortalıqtandırw prïncïpterine qurıladı. Wäkiletti organ memlekettik organdardıñ statïstïkalıq qızmetin üylestirwdi jüzege asıradı jäne memlekettik statïstïkalıq bayqawlar jüyesinde jetekşi orın aladı. Wäkiletti organğa qarağanda memlekettik organdar neğurlım durıs statïstïkalıq körsetkişterdi äzirlewdi qamtamasız etetin bolğan jaädayda, memlekettik organdar statïstïkalıq bayqawlar ötkizedi.
Zañdı tulğalar men olardıñ qurılımdıq bölimşeleriniñ, Qazaqstan Respwblïkasınıñ zañdarında belgilengen jağdaylarda jeke tulğalardıñ bastapqı statïstïkalıq aqparattı usınwı mindetti bolıp tabıladı jäne ötewsiz negizde jüzege asırıladı.
Memlekettik statïstïkalıq bayqawlardıñ jalpı sanın Qazaqstan Respwblïkasınıñ Ükimeti Ctatïstïkalıq jumıstar josparı men jalpımemlekettik jäne vedomstvolıq statïstïkalıq eseptilik nısandarınıñ tizbelerin bekitw arqılı baqılaydı. Wäkiletti organ men basqa da memlekettik organdar memlekettik statïstïkalıq eseptilik jïnawdı jalpımemlekettik jäne vedomstvolıq statïstïkalıq eseptilik nısandarınıñ bekitilgen tizbesi şeginde jüzege asıradı.
4-bap. Statïstïkalıq qızmetti jüzege asıratın memlekettik organdarğaqoyılatın negizgi talaptar
Statïstïkalıq qızmet jürgizetin wäkiletti organ men memlekettik organdar:
statïstïkalıq körsetkişterdiñ tutastığın, durıstığın jäne jetkiliktiligin;
Qazaqstan Respwblïkasında bolıp jatqan ekonomïkalıq jäne älewmettik procesterdiñ jäne olardıñ damw tendencïyalarınıñ jan-jaqtı jäne durıs zerdelenwin, qorıtındılanwı men taldanwın;
statïstïkalıq aqparattıñ Qazaqstan Respwblïkası zañdarında belgilengen şekterde qol jetetindey jäne aşıq bolwın;
qoldanılatın ädistemeniñ jäne eseptelgen negizgi körsetkişterdiñ xalıqaralıq täjirïbede paydalanılatın statïstïkalıq standarttarmen salıstırmalılığın qamtamasız etedi.
5-bap. Qazaqstan Respwblïkasınıñ memlekettik statïstïka salasındağı zañdarı
Qazaqstan Respwblïkasınıñ memlekettik statïstïka salasındağı zañdarı Qazaqstan Respwblïkasınıñ Konstïtwcïyasına negizdelgen jäne osı Zañ men soğan säykes qabıldanğan Qazaqstan Respwblïkasınıñ özge de normatïvtik quqıqtıq aktilerinen turadı.
Eger Qazaqstan Respwblïkası bekitken xalıqaralıq şartta Qazaqstan Respwblïkasınıñ zañ aktilerindegiden özge erejeler belgilengen bolsa, onda xalıqaralıq şarttıñ erejeleri qoldanıladı.
6-bap. Memlekettik statïstïka salasındağı xalıqaralıq ıntımaqtastıq
Qazaqstan Respwblïkası men basqa memleketter nemese xalıqaralıq uyımdar arasındağı memlekettik statïstïka salasındağı özara qarım-qatınastar ekijaqtı jäne köpjaqtı xalıqaralıq şarttar, Qazaqstan Respwblïkasınıñ zañdarında belgilengen tärtippen teñ quqılıq jäne özara müddeler prïcïpterinde Qazaqstan Respwblïkasınıñ wäkiletti organı men basqa memleketterdiñ statïstïka organdarı jäne xalıqaralıq uyımdar arasında tikeley jasasılğan şarttar negizinde ayqındaladı.
2-taraw. MEMLEKETTİK STATÏSTÏKANI UYIMDASTIRW
7-bap. Qazaqstan Respwblïkasınıñ memlekettik statïstïka organdarı
Statïstïkalıq qızmetti Qazaqstan Respwblïkasınıñ memlekettik statïstïkasın qalıptastıratın organdar:
wäkiletti organ men onıñ awmaqtıq bölimşeleri;
statïstïkalıq qızmetti jüzege asıratın memlekettik organdar jüzege asıradı.
8-bap. Wäkiletti organ
Wäkiletti organ statïstïka salasındağı memlekettik sayasattı äzirleydi jäne jüzege asıradı, Qazaqstan Respwblïkasında statïstïkanı jetildirw jönindegi baädarlamalardı äzirleydi jäne jüzege asıradı. Statïstïkalıq esep jürgizwdiñ ädisnaması men ädistemesi mäselelerinde täwelsiz boladı, öziniñ awmaqtıq bölimşelerine basşılıq jasawdı jüzege asıradı, vedomstvolıq bağınıstağı uyımdardıñ qızmetin üylestiredi.
Wäkiletti organ men onıñ awmaqtıq bölimşeleri öz qızmetinde Qazaqstan Respwblïkasınıñ Ükimeti bekitetin Wäkiletti organ twralı erejege säykes Statïstïkalıq jumıstar josparın basşılıqqa aladı.
Wäkiletti organnıñ statïstïkanı uyımdastırw jönindegi normatïvtik quqıqtıq aktileri Qazaqstan Respwblïkasınıñ zañdarında belgilengen jaädaylarda jeke tulğalar üşin, sonday-aq zañdı tulğalar üşin mindetti.
Wäkiletti organ statïstïka salasındağı memlekettik sayasattı jüzege asırw maqsatında:
statïstïkalıq bayqawlar bağdarlamaların bekitw negizinde memlekettik organdardıñ statïstïkalıq qızmetin üylestiredi;
şet eldermen jäne xalıqaralıq uyımdarmen statïstïka salasındağı ıntımaqtastıqtı jüzege asıradı, olarmen memlekettik statïstïkanı damıtwğa bağıttalğan kelisimder men şarttar jasasadı;
memlekettik statïstïka mäseleleri jöninde normatïvtik quqıqtıq aktiler şığaradı.
9-bap. Memlekettik statïstïkalıq tirkelim
Memlekettik, statïstïkalıq tirkelim statïstïkalıq esep jürgizwdiñ quralı bolıp tabıladı jäne onda statïstïkalıq eseppen qamtılğan barlıq jeke jäne zañdı tulğalar twralı qısqaşa äkimşilik jäne ekonomïkalıq aqparat boladı. Onı jürgizwdi xalıqaralıq standarttarğa säykes wäkiletti organ men onıñ awmaqtıq bölimşeleri jüzege asıradı.
Jeke jäne zañdı tulğalar twralı tirkelimder men aqparattıq derekter bazaların jasaytın jäne jürgizetin memlekettik organdar men olardıñ bağınısındağı uyımdar memlekettik statïstïka organdarına birıñğay Memlekettik statïstïkalıq tirkelimdi qalıptastırwğa jäne oğan kökeykesti sïpat berwge qajetti aqparattı tegin beredi.
9-1-bap. Eldi mekenderde är şarwaşılıq boyınşa esep jürgizw
Är şarwaşılıq boyınşa esep jürgizw awıldıq jerlerde turatın jeke tulğalardı, sonday-aq turatın jerine qaramastan jeke üy (qosalqı) şarwaşılığı bar jeke tulğalardı memlekettik statïstïkalıq bayqaw bolıp tabıladı.
Tïisti äkimşilik- awmaqtıq bölinistiñ äkimi är şarwaşılıq boyınşa kitaptarğa tirkew jazbaların Qazaqstan Respwblïkasınıñ zañdarında belgilengen tärtippen bölinetin qarajat esebinen jürgizwdi uyımdastıradı.
Wäkiletti organ är şarwaşılıq boyınşa esep jürgizwdi ädisnamalıq turğıdan basqarwdı jüzege asıradı jäne osı eseptiñ derekterin tïisti statïstïkalıq körsetkişter tüzw üşin paydalanadı.
3- taraw. MEMLEKETTİK ORGANDARDIÑ STATÏSTÏKA SALASINDAĞI QUQIQTARI MEN MİNDETTERİ
10- bap. Wäkiletti organnıñ quqıqtarı
Wäkiletti organ men onıñ awmaqtıq bölimşeleri öz ökilettikteri şeginde jäne Statïstïkalıq jumıstar josparın orındaw maqsatında:
Statïstïkalıq jumıstar josparında belgilengen mölşerde jäne merzimderde zañdı tulğalar men olardıñ qurılımdıq bölimşelerinen şınayı memlekettik statïstïkalıq esep-qïsaptı tegin alwğa;
zañdarda belgilengen retterde statïstïkalıq jïnaqtaw jäne taldaw üşin jeke tulğalardan olardıñ ekonomïkalıq jäne älewmettik- demografïyalıq jay-küyi, sonday-aq käsipkerlik qızmeti twralı durıs aqparat alwğa;
Qazaqstan Respwblïkasınıñ Ükimeti belgilegen tärtippen uyımdardıñ lawazımdı adamdarın memlekettik statïstïkalıq bayqawlar jürgizw isine tartwğa;
memlekettik statïstïkalıq bayqawlar baädarlamaların äzirlewge jäne bekitwge;
Memlekettik statïstïkalıq tirkelim jürgizw üşin, sonday-aq memlekettik organdar qalıptastıratın jïıntıq statïstïkalıq derekterdi qaytalamaytın statïstïkalıq derekterdi tüzw üşin memlekettik organdardan bastapqı statïstïkalıq aqparattı, sonday-aq orındaytın fwnkcïyalarına qaray olarda bolatın basqa da aqparattı alwğa;
jeke käsipkerler men zañdı tulğalardı bastapqı jäne statïstïkalıq esepke qoyu isin baqılawdı jüzege asırwäa;
memlekettik tapsırıs şeñberinde jekelegen statïstïkalıq jumıstar jürgizwdi Qazaqstan Respwblïkasınıñ zañdarında belgilengen tärtippen qarjılandırwdı jüzege asırwğa;
Qazaqstan Respwblïkasınıñ Ükimeti bekitetin Wäkiletti organ twralı erejege säykes basqa da fwnkcïyalar orındawğa quqılı.
11-bap. Wäkiletti organnıñ mindetteri
Wäkiletti organ men onıñ awmaqtıq bölimşeleri öz quzıreti şeginde:
xalıqaralıq statïstïkalıq standarttarğa säykes statïstïkalıq ädisnama äzirlewge;
ädistemelik nusqawlıqtardıñ orındalwın baqılawdı jüzege asırwğa;
Statïstïkalıq jumıstar josparına säykes jalpımemlekettik statïstïkalıq bayqawlar jürgizwge jäne memlekettik organdardı Qazaqstan Respwblïkasınıñ Ükimeti belgilegen tärtippen statïstïkalıq jäne taldaw aqparatımen qamtamasız etwge;
jïıntıq statïstïkalıq aqparattıñ jeke jäne zañdı tulğalar üşin aşıq bolwın qamtamasız etwge;
prokwrordıñ talap etwi boyınşa suratılğan aqparattı tegin berwge;
qoldanılıp jürgen şarttar boyınşa mindettemelerge säykes xalıqaralıq uyımdarğa statïstïkalıq aqparat berwge, sonday-aq şet eldermen statïstïkalıq aqparat almaswğa;
memlekettik statïstïka organdarına aqparat beretin jeke jäne zañdı tulğalardı statïstïkalıq nısandar mörqağazdarımen jäne olardı toltırw jönindegi nusqawlarmen qamtamasız etwge;
respwblïkanıñ jäne onıñ aymaqtarınıñ älewmettik-ekonomïkalıq jağdayı twralı aqparattıq-statïstïkalıq derekter bazasınıñ jïnaqtalwın, jürgizilwin jäne özektiligin qamtamasız etwge;
Qazaqstan Respwblïkasınıñ zañdarına säykes memlekettik statïstïka organdarı qızmetkerleriniñ derbes jawapkerşiligi negizinde memlekettik jäne kommercïyalıq qupïyanı, bastapqı statïstïkalıq aqparattıñ jasırın bolwın saqtawğa mindetti;
statïstïka salasında ğılımï-zerttew äzirlemelerin uyımdastırwäa mindetti.
12-bap. Statïstïkalıq qızmet jürgizetin memlekettik organdar men olardıñ awmaqtıq bölimşeleriniñ quqıqtarı men mindetteri
Statïstïkalıq qızmet jürgizetin memlekettik organdar men olardıñ awmaqtıq bölimşeleri öz quzıreti şeginde:
vedomstvolıq statïstïkalıq bayqawlar jürgizwge;
vedomstvolıq statïstïkalıq bayqawlardıñ baädarlamaların äzirlewge;
jeke jäne zañdı tulğalardan statïstïkalıq aqparat alwğa;
memlekettik organdardan orındaytın fwnkcïyalarına qaray olarda bolatın aqparattı statïstïkalıq derekter tüzw üşin alwğa;
uyımdarda bastapqı esep pen statïstïkalıq eseptiliktiñ jolğa qoyılwın baqılawdı jüzege asırwäa, özderi alğan derekterdiñ durıstığın tekserwge quqılı.
Statïstïkalıq qızmetti jürgizetin memlekettik organdar men olardıñ awmaqtıq bölimşeleri:
wäkiletti organğa ädistemelik nusqawlıqtardıñ orındalwı twralı mälimetter berwge;
memlekettik jäne kommercïyalıq qupïyalardı, bastapqı statïstïkalıq aqparattıñ qupïya bolwın saqtaw prïncïpin ustanwğa;
jürgiziletin statïstïkalıq bayqawlar bağdarlamaları men ädistemelik äzirlemeler jobaların wäkiletti organnıñ keliswi men bekitwine tabıs etwge mindetti.
13-bap. Jeke jäne zañdı tulğalar quqıqtarınıñ kepildikteri
Jeke jäne zañdı tulğalarğa bastapqı statïstïkalıq aqparattıñ qupïya bolwına, jalpımemlekettik jäne vedomstvolıq statïstïkalıq eseptilik tizbelerine, Statïstïkalıq jumıstar josparına qol jetkizwge bolatındığına kepildik beriledi. Bastapqı statïstïkalıq aqparattı tek qana aqparattı bergen jeke jäne zañdı tulğalardıñ kelisimimen nemese atı-jönin körsetpey taratwğa boladı.
14-bap. Statïstïkalıq jumıstardı qarjılandırw
Eger Qazaqstan Respwblïkasınıñ zañ aktilerinde özgeşe közdelmese, Qazaqstan Respwblïkasınıñ Ükimeti bekitken statïstïkanı jetildirw baädarlamalarına, Statïstïkalıq jumıs josparları men jalpımemlekettik jäne vedomstvolıq statïstïkalıq eseptilik nısandarı tizbelerine säykes memlekettik statïstïka organdarı orındaytın statïstïkalıq jumıstar respwblïkalıq byudjetten qarjılandırıladı.
4-taraw. QAZAQSTAN RESPWBLÏKASINIÑ MEMLEKETTİK STATÏSTÏKA SALASINDAĞI ZAÑDARIN BUZĞANI ÜŞİN JAWAPTILIQ
15-bap. Qazaqstan Respwblïkasınıñ memlekettik statïstïka salasındağı zañdarın buzğanı üşin jawaptılıq
Qazaqstan Respwblïkasınıñ memlekettik statïstïka salasındağı zañdarınıñ buzılwına kinäli adamdar Qazaqstan Respwblïkasınıñ zañ aktilerinde belgilengen tärtippen jawaptı boladı.
Qazaqstan Respwblïkasınıñ Prezïdenti